ДУИ бара Владата да се дистанцира од „антиалбанските агенди“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ бара Владата да се дистанцира од „антиалбанските агенди“

29 јануари 2025

• од Вардарски

Младинската организација на Демократската унија за интеграција (ДУИ) побара итна оставка од вицепремиерот и министер за односи меѓу заедниците, Иван Стоилковиќ, како и јасно дистанцирање на Владата од, како што ги нарекоа, „антиалбанските и антизападните агенди“. Ова барање доаѓа по одликувањето „Војвода Вук“, кое му беше доделено на Стоилковиќ од Здружението на српските доброволци од војните 1912-1918 година, што младите на ДУИ го сметаат за сериозна навреда за албанскиот народ.

На прес-конференција, Ветон Садику, потпретседател на огранокот на младите на ДУИ од Гостивар, изјави:

„Го креваме нашиот глас против срамната провокација која ги шокира сите Албанци. Одликувањето „Војвода Вук“ кое му беше доделено на вицепремиерот Стоилковиќ е сериозна навреда за албанскиот народ и отворено исмејување на нашата историја. Ова е отворена поддршка на проектот „српски свет“ и на руската агенда во регионот.“

Садику истакна дека оваа држава не смее да биде платформа за глорифицирање на геноцидот и враќање на мрачните проекти кои имаат за цел да ги поделат народите во регионот. Тој додаде дека младите на ДУИ бараат веднаш оставка од министерот и јасно дистанцирање на Владата од антиалбанските и антизападните агенди. „Ние сме тука да ја заштитиме нашата иднина и правото на достоинство. Нема да дозволиме Албанците да бидат прегазени од оние кои се уште живеат во темното минато,“ нагласи Садику.

Прес-конференцијата се одржа пред Министерството за односи меѓу заедниците.