ДУИ: Бараме итна оставка од Билал Касами, а не распуштање на Советот на Општина Тетово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Бараме итна оставка од Билал Касами, а не распуштање на Советот на Општина Тетово

10 јули 2026

• од Темелко Тошев

Билал Касами уште еднаш ја докажа пред граѓаните својата политичка и институционална немоќ. Во неможност да преземе одговорност и да ги реши проблемите на Тетово, тој сега се обидува да го камуфлира својот неуспех со теории за нови избори за Советот на Општина Тетово, порачаа денеска од Демократската унија за интеграција (ДУИ).

Од партијата обвинуваат дека градоначалникот на Тетово демонстрира политичка немоќ и нема храброст да ги брани интересите на граѓаните.

„Касами, познат уште од младоста по стиховите за слава посветени на Јосип Броз Тито, потоа како дел од предизборната коалиција „Можеме“, а денес дел од Влада без легитимитет кај Албанците, својата политичка немоќ ја има демонстрирано неколку пати пред јавноста. Го видовме кога премиерот јавно му го прекина зборот, го видовме во однос со министрите во Владата, а го гледаме и денес, кога нема политичка храброст да ги одбрани имињата на улиците и плоштадите во Тетово“, се вели во партиското соопштение на ДУИ.

Од ДУИ додаваат дека наместо акција, Касами произведува „непостоечки правни теории“ и бара алиби за своите неуспеси. Наместо соработка, според нив, тој се обидува да создаде вештачка криза која би ја искористил како изговор за нови избори.

Околу спорните имиња на улиците, ДУИ појаснува:

ДУИ како точка на дневен ред не ја предложи истата листа на имиња која претходно беше укината од Уставниот суд.
Предложената нова листа содржи вкупно 67 имиња.
Следствено, ова прашање не може да се користи како причина или изговор за распуштање на општинскиот Совет.

Од партијата го повикуваат Касами да соработува со советниците за решавање на проблемите во интерес на граѓаните, наместо да бега од одговорноста, прашувајќи дали тој чека дозвола од коалицискиот партнер:

„Денес прашањето е многу јасно: дали Билал Касами добил дозвола од ВМРО-ДПМНЕ да ја изгласа иницијативата на Албанците? Ако има волја, нека ја изгласа. Ако не смее, нека каже јавно дека чека дозвола од неговите владини партнери.“

Повик за оставка наместо распуштање на Советот

Доколку градоначалникот на Тетово и неговите партнери сакаат избори, ДУИ порачува тоа да не се прави преку грбот на Советот.

„Ако Билал Касами и неговите партнери сакаат избори, тогаш ДУИ бара тој да не се крие зад распуштањето на Општинскиот совет. Нека даде итна оставка од функцијата Градоначалник на Општина Тетово и да одиме на избори. Градоначалник кој нема способност да реши ниту еден единствен проблем на Тетово, кој за секој неуспех ги обвинува другите и кој за секоја одлука чека сигнал од партнерите во Владата, не може да ги држи во заложништво ниту Советот, ниту граѓаните. Ако сака избори, нека не го жртвува Советот за да се спаси себеси – нека поднесе оставка и сам нека се соочи со граѓаните на Тетово“, заклучуваат од ДУИ.