Али Ахмети: Бруталното насилство поради албанското знаме во Гостивар ’97 е едно од најболните поглавја во нашата историја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Али Ахмети: Бруталното насилство поради албанското знаме во Гостивар ’97 е едно од најболните поглавја во нашата историја

09 јули 2026

• од Темелко Тошев

Претседателот на Демократската унија за интеграција (ДУИ), Али Ахмети, денеска ги прибележа трагичните настани од 9 јули 1997 година во Гостивар, оценувајќи ги како едно од најболните поглавја во поновата историја на Албанците во Северна Македонија.

Во својата порака, Ахмети истакна дека тој ден Албанците се соочиле со брутално државно насилство, малтретирање, апсења, губење животи и затворања, само затоа што барале почитување на нивниот идентитет, достоинство и легитимни права.

Според лидерот на ДУИ, еден од факторите што ѝ претходел на кризата била неправедната одлука на Уставниот суд, кој наместо да биде гарант на уставниот поредок, основните права и соживотот, се претворил во извор на тензии со тешки последици.

„Настаните од 9 јули 1997 година треба да останат трајна лекција за сите нас. Историјата не смее да се повтори. Институциите мора да бидат гаранти на Уставот, на еднаквоста, правдата и мирот, а не извор на кризи и меѓуетнички тензии“, нагласи Ахмети.

На крајот од пораката, Ахмети им оддаде почит на сите оние кои ги загубиле животите, биле повредени, малтретирани, затворени и кои се жртвувале во одбрана на достоинството и правата на Албанците, потенцирајќи дека сеќавањето на Гостивар од 1997 година останува обврска ваквите неправди никогаш повеќе да не се повторат.

Во продолжение, целосниот пост на Ахмети:

„Денеска со болка и почит се сеќаваме на тешките настани од 9 јули 1997 година во Гостивар, едно од најболните поглавја во нашата понова историја, кога Албанците се соочија со брутално државно насилство, малтретирања, апсења, губење животи и затворања, само затоа што бараа почитување на нивниот идентитет, достоинство и легитимни права.

Генератор на таа криза беше и неправедното одлучување на Уставниот суд, кој наместо да биде заштитник на уставниот поредок, правата и соживотот, се претвори во извор на тензии и криза со тешки последици. Она што следеше по улиците на Гостивар останува болно сведоштво за тоа што се случува кога институциите ја губат непристрасноста, кога правдата се политизира и кога правата на еден народ се третираат како закана.

Настаните од 9 јули 1997 година треба да останат трајна лекција за сите нас. Историјата не смее да се повтори. Институциите мора да бидат гаранти на Уставот, еднаквоста и мирот, а не генератори на кризи и меѓуетнички тензии.

Денеска им оддаваме почит на сите оние кои беа убиени, кои страдаа, беа малтретирани, затворени и се жртвуваа во одбрана на достоинството и правата на Албанците. Сеќавањето за Гостивар од 1997 година е истовремено обврска ваквите постапки никогаш повеќе да не се повторат.“