ДУИ: Едноетничките табли на влезот во Струга се провокација кон Албанците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Едноетничките табли на влезот во Струга се провокација кон Албанците

01 јули 2025

• од Станча Јаќимовски

Демократската унија за интеграција (ДУИ) остро ја осуди поставувањето на еднојазични сообраќајни табли на влезот во Струга, оценувајќи го овој чекор како отворена провокација против Албанците и против соживотот во земјата.

„Кога една влада одлучува во град како Струга да постави сообраќајни табли исклучиво на македонски јазик, тоа не е техничка грешка. Тоа е порака. Тоа е провокација,“ се наведува во реакцијата на партијата.

ДУИ истакнува дека исклучувањето на албанскиот јазик, маргинализирањето на Албанците од институциите, како и негирањето на нивните вредности и придонес, се претворени во официјална политика на оваа „моноетничка влада“.

„Кој има интерес од оваа линија на понижување и создавање тензии? На кого му одговара меѓуетнички конфликт? Дали ова е цената за учеството во таканаречениот проект ‘српски свет’?“, прашуваат од партијата.

ДУИ предупредува дека постои црвена линија што не смее да се помине, а според нив актуелната власт ја преминува секојдневно.

Партијата бара итно враќање на двојазичните табли во согласност со законите и Уставот, потсетувајќи дека почитувањето на албанскиот јазик е уставно загарантирано право и основна вредност на мултиетничкиот поредок во државата.

„Албанците нема да молчат пред бришењето на нивниот јазик од јавниот простор,“ порачуваат од ДУИ.