ДУИ го обвинува Мицкоски за поддршка на проруски кадри во Владата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ го обвинува Мицкоски за поддршка на проруски кадри во Владата

15 јуни 2025

• од Станча Јаќимовски

Демократската унија за интеграција (ДУИ) остро реагираше на, како што велат, последните хибридни дејствија на структури поврзани со т.н. „Српски свет“ вградени во Владата на Република Северна Македонија, кои, според нив, отворено и институционално промовираат и бранат проруски наративи во земјата.

ДУИ оцени дека ваквото однесување претставува директен судир со политиките на НАТО и консензусот изразен преку официјалните декларации на Северноатлантскиот совет, декларации кои, како што потсетуваат, досега секогаш биле поддржани и од страна на македонските претставници.

„Одбраната од манипулациите и злонамерното руско влијание е идентификувана и потврдена од самата Алијанса како сериозна закана за политичкото одлучување во земјите-членки и за единството на НАТО. Северна Македонија има преземено обврска дека ќе ги стави на располагање сите свои капацитети во одбрана од ваквите влијанија – не само внатре во сопствената територија, туку и како активен партнер во целиот регион на Западен Балкан“, стои во реакцијата на ДУИ.

Особено остри зборови ДУИ упатува кон вицепремиерот, одговорен за спроведување на Охридскиот рамковен договор, обвинувајќи го дека „иронично“ води кампања на разрешување на Албанци од високи државни функции, со поддршка од премиерот Христијан Мицкоски.

ДУИ потсетува и на последниот инцидент во кој Стоилковиќ, познат по своите проруски ставови, го претставувал македонското правителство рамо до рамо со амбасадорите на Русија, Кина и други нивни стратешки сојузници. Сето тоа, според партијата, се случува во контекст на поддршка за агресијата врз Украина и „реабилитација“ на проруски и просрпски актери во државата.

„Наместо да го осуди и санкционира ваквото однесување, премиерот Мицкоски продолжува да го релативизира трендот, уште еднаш ставајќи се во одбрана на својот миленик во Владата“, посочуваат од ДУИ.

Партијата предупредува дека со моменталниот курс, Владата отвора опасен преседан, во кој се прави обид за „нормализација“ на отстапување од евроатлантскиот пат и приближување кон алтернативни политички центри – Пекинг и Москва.

ДУИ апелира дека државата мора итно да се врати на јасниот и недвосмислен евроатлантски правец, и да ги зајакне механизмите за отпор кон странските влијанија што ја поткопуваат стабилноста, единството и интегративниот пат на Северна Македонија.