ДУИ: Година дена влада на Мицкоски – година дена поделби, неуспех и антиалбанска реторика

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Година дена влада на Мицкоски – година дена поделби, неуспех и антиалбанска реторика

19 мај 2025

• од Вардарски

Демократската унија за интеграција (ДУИ) денеска остро ја критикуваше владата предводена од Христијан Мицкоски, оценувајќи дека таа веќе една година води политика на поделби, национализам и пропаганда, наместо развој и европска перспектива.

„Мицкоски веќе една година води Влада на неуспех, национализам и антиалбанска реторика“, се вели во соопштението од ДУИ. Според нив, наместо резултати и стабилност, Владата продолжува по истата линија со која настапуваше на изборите – со поделби, омраза и празна реторика.

ДУИ оценува дека државата е во застој, без јасна насока и без план за напредок. И покрај тоа што интеграцијата во Европската Унија беше прогласена за приоритет број еден, според партијата, овој процес е целосно блокиран и без изгледи за одблокирање.

„Додека Албанија, Црна Гора и други земји од регионот чекорат сигурно кон членство во ЕУ, граѓаните на Македонија гледаат како нашата држава тоне во изолација. Наместо поддршка на соседите, Мицкоски и неговиот круг шират антиалбански чувства и ги повторуваат нивните предрасуди дека ‘Албанија никогаш нема да стане членка на ЕУ’.“

ДУИ ја обвинува Владата дека, наместо да ги зајакнува меѓуетничките односи – како клучен столб на стабилноста – дополнително ја поттикнува реториката на поделби, продолжувајќи ја изборната мантра дека „Албанците треба да се стават таму каде што им е местото“.

Партијата предупредува на опасен моноетнички проект во кој, како што наведуваат, Мицкоски ја вклучува и обвинителската власт, судството, олигархијата и дел од граѓанскиот сектор, што создава длабоки поделби во општеството и долгорочни последици врз социјалната кохезија.

ДУИ истакнува дека економскиот развој постои само во владината пропаганда, а статистиките се, според нив, „шминкани“. Реалноста на граѓаните е сосема поинаква: раст на цени, ниски плати и масовно иселување на младите.

„Социјалната правда е етнички заробена и маргинализирана, институциите не одговараат на основните потреби на граѓаните“, се вели во соопштението.

ДУИ ја обвинува Владата дека се обидува да го прикрие недостатокот од визија, знаење и храброст за соочување со реалните предизвици со лажен патриотизам и застарена реторика, инспирирана од времето на Милошевиќ.

„Но Албанците се обединуваат“, порачува партијата. „Против оваа антиевропска и антиалбанска влада се формира достоинствен, национален и граѓански фронт, кој се залага за еднаквост, стабилност и иднина за сите.“

ДУИ додава дека дури и политички ривали ги ставаат на страна разликите за да го заштитат достоинството, националниот интерес и да понудат вистинска европска перспектива за граѓаните.

На крај, партијата ја обвинува ВЛЕН дека сè уште е во Владата воден од привилегии, и оти тие се „последните фигури на една епоха што завршува – епоха која Албанците ќе ја паметат по понижувањето на нивното достоинство и блокадата на нивните аспирации“.