ДУИ: Маргинализацијата на Албанците го загрозува стабилитетот, функционалноста и европската перспектива на државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Маргинализацијата на Албанците го загрозува стабилитетот, функционалноста и европската перспектива на државата

28 април 2025

• од Вардарски

Демократската унија за интеграција (ДУИ) испрати јасна порака за растечката загриженост за политичките случувања во земјата, предупредувајќи дека маргинализацијата на Албанците претставува сериозна закана за стабилноста, функционалноста и европската перспектива на Македонија.

ДУИ истакнува дека во последните месеци сме сведоци на длабока нарушеност на институционалниот и општествениот баланс во државата. Преку еднострани одлуки и исклучувачки политики, Албанците се оставени без вистинска улога во државотворните процеси и заедничкото управување со земјата.

„Ова не е само прашање на етничка застапеност. Ова е прашање што го засега самото функционирање на државата“, соопштуваат од ДУИ, нагласувајќи дека маргинализацијата го поткопува консензуалниот модел на демократија воспоставен со Охридскиот рамковен договор – модел кој досега обезбедуваше стабилност, кохезија и напредок.

ДУИ дополнително предупредува дека овој негативен тренд се случува во клучен момент за европската иднина на Македонија. Намалувањето на конструктивната улога на Албанците — како клучни партнери во изградбата на мултиетничка, демократска и прозападна држава — не само што го загрозува внатрешното единство, туку сериозно го поткопува и кредибилитетот на земјата на нејзиниот пат кон Европската Унија.

Особено алармантно е, велат од ДУИ, што денес во Владата нема легитимно претставување на Албанците. Според нив, наместо тоа, таму се наоѓа група на партии со минимална поддршка од околу 1%, што граѓаните со право ја нарекуваат коалицијата „ФЛЕН“. Овој факт, според партијата, не може да ја амнестира македонската политичка елита од одговорноста за создавањето на длабоки поделби и за непоправливото нарушување на единството на државата.

„Повеќе од кога било, неопходно е враќање на принципот на рамноправно коалицирање и почитување на стандардите кои со децении обезбедуваа мир, стабилност и европска перспектива“, велат од ДУИ.

Според партијата, демократијата, благосостојбата и патот кон ЕУ се неразделно поврзани со почитувањето на мултиетничкиот карактер на државата.

ДУИ апелира дека ова е повик не само за правда за Албанците, туку и за заедничка одговорност кон иднината на сите граѓани на државата. Според нив, единствено решениe за актуелната политичка криза се предвремени избори.