ДУИ: Мицкоски ја враќа државата 30 години назад со дискриминација и мајоризација

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Мицкоски ја враќа државата 30 години назад со дискриминација и мајоризација

11 август 2025

• од Станча Јаќимовски

Демократската унија за интеграција (ДУИ) остро реагира на изјавите на премиерот Христијан Мицкоски, обвинувајќи го дека со политиките на неговата влада ја враќа државата „30 години назад“, во време на дискриминација, мајоризација и кршење на правата на Албанците и другите заедници.

„Парадоксално е што премиерот зборува за ‘невраќање во 2001 година’, додека секојдневното практикување на владеењето на неговата влада е токму враќање назад во времето – кон исклучување и нееднаквост,“ се наведува во реакцијата на партијата.

ДУИ потсетува дека 2001 година не е „стара тема“, туку пресвртница која ја обезбедила еднаквоста преку Охридскиот рамковен договор – документ кој, според нив, денес се прекршува.

Обвинувања кон владата

Во својата изјава, ДУИ наведува низа конкретни примери за, како што велат, нарушување на мултиетничкиот баланс и уставните принципи:

Противуставно укинување на правичното и соодветно застапување, предвидено со Охридскиот договор.
Враќање на етничкото надгласување во институциите, вклучително и Уставниот суд.
Предлог за укинување на Законот за употреба на јазиците и непочитување на истиот.
Дискриминација на Албанците во администрацијата и игнорирање на албанскиот јазик.
Исклучување на албанската дијаспора од процесите на одлучување и од финансиска поддршка.
Намалување на бројот на општински советници на противуставен начин.
Блокада на развојни проекти и заобиколување на инвестиции во албанските општини.
Претворање на концептот „српски свет“ во државна политика.
Блокирање на европската интеграција.
Избегнување на ветинг и истраги за функционерите, вклучително и процесот на приватизација.

Повик за правда и еднаквост

„Кој нè враќа 30 години назад? Вие или ние?“ – прашуваат од ДУИ, нагласувајќи дека иднината не може да се гради без правда и еднаквост.

Партијата инсистира на зачувување на мултиетничкиот карактер на државата и целосно почитување на Охридскиот договор, кој, според нив, е темел за секоја политика, инвестиција и развој.

ДУИ истакнува дека изборните победници треба да произлегуваат од волјата на народот, а не од „желбите и фаворизирањата на премиерот“.