ДУИ: Министерскиот состанок на ОБСЕ е најголемиот дипломатски успех во историјата на земјата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Министерскиот состанок на ОБСЕ е најголемиот дипломатски успех во историјата на земјата

09 август 2025

• од Станча Јаќимовски

Министерскиот состанок на ОБСЕ 2023 претставуваше најголемиот и најзначајниот меѓународен настан некогаш организиран во Северна Македонија. Настанот, кој траеше три дена, собра министри за надворешни работи и делегации од целата ОБСЕ-област, ставајќи ја нашата земја во центарот на светската дипломатија.

Организацијата беше високо оценета од сите меѓународни партнери и институции, опишана како совршена и пример за успешно спроведување. Според надлежните државни органи, вклучително и оние за надзор, целиот процес бил законски, транспарентен и реализиран на примерен начин.

Од ДУИ велат дека обидите на ВЛЕН да го дискредитираат настанот се резултат на политичка злоба и љубомора. „Вистината е едноставна – Северна Македонија ја прими светската дипломатија и реализираше активност која ќе се памети како дипломатски и организациски триумф,“ стои во соопштението.

Успехот, како што наведуваат, им припаѓа на граѓаните, институциите и сите луѓе кои со посветеност работеле да ја покажат најдоброто од земјата. „За оние кои никогаш не организирале ништо од меѓународно значење, полесно е да шират невистини отколку да ја прифатат реалноста,“ додаваат од партијата.

ДУИ порача дека фактите остануваат факти и дека ниту една политичка бучава не може да избрише една ваква национална приказна за успех. „Кампањата на клевети од ВЛЕН не е напад кон една личност, туку навреда за секој службеник, волонтер и граѓанин кој придонесе Министерскиот состанок на ОБСЕ да биде извор на гордост за Северна Македонија,“ завршуваат од ДУИ.