ДУИ обвинува: Владата го игнорира албанскиот јазик

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ обвинува: Владата го игнорира албанскиот јазик – 14 седници без превод

31 јули 2025

• од Станча Јаќимовски

ДУИ изрази длабока загриженост поради, како што велат, континуираното прекршување на Законот за употреба на јазиците од страна на Владата на Република Северна Македонија. Повод за оваа реакција е фактот што записниците од владините седници не се објавуваат и на албански јазик.

Од 10 јуни 2025 година, според ДУИ, биле одржани 14 владини седници, а ниту еден записник не бил објавен на албански јазик на официјалната веб-страница на Владата. Ова, според партијата, не претставува само отворено прекршување на законската обврска, туку и чин на намерна дискриминација кон албанскиот јазик и албанските граѓани.

ДУИ оценува дека оправдувањето со „технички доцнења“ е неприфатливо и понижувачко. Тие потсетуваат дека албанскиот јазик е официјален во државата и дека обврската за еднаков превод и објава на документи е утврдена со закон. Непочитувањето на оваа обврска, според партијата, е негирање на мултиетничкиот карактер на државата, загарантиран со Уставот и Охридскиот рамковен договор.

ДУИ тврди дека оваа дискриминаторска практика е поддржана токму од политички партии кои се противат на самиот Закон за употреба на јазиците. Како пример го наведуваат ВМРО-ДПМНЕ, која поднела иницијатива до Уставниот суд за поништување на законот – институција која, како што велат од ДУИ, сè повеќе станува параполитички инструмент за уривање на придобивките од Охридскиот договор.

Партијата повика на итна реакција од Владата, барајќи веднаш да се прекине со, како што ја нарекоа, исклучувачката практика, и да се преземат итни мерки за целосна и навремена примена на Законот за употреба на јазиците. „Секоја негрижа кон албанскиот јазик е негрижа кон албанските граѓани и самите темели на соживотот во земјата“, се наведува во соопштението.

ДУИ порачува дека како политички субјект кој се залага за јазична еднаквост и меѓуетничка кохезија, нема да молчи пред, како што велат, институционалната деградација. „Албанските граѓани не се граѓани од втора класа и заслужуваат целосна почит во секој документ, на секоја платформа и во секое дејствие на државните институции“, порачуваат од ДУИ.