ДУИ обвинува за етничка дискриминација во новите вработувања во ЕСМ Струга и Дебар

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ обвинува за етничка дискриминација во новите вработувања во ЕСМ Струга и Дебар

22 мај 2025

• од Вардарски

Демократската унија за интеграција (ДУИ) остро реагира на најновите вработувања во филијалите на АД Електрани на Северна Македонија (ЕСМ) во Струга и Дебар, обвинувајќи за етничка дискриминација и исклучување на Албанците од процесот на вработување.

Според партијата, во струшката филијала „Црн Дрим“ биле ангажирани 23 лица со привремени договори – сите од македонската етничка заедница, без присуство на ниту еден Албанец, и покрај тоа што Албанците сочинуваат значителен дел од населението во овој регион. Слична состојба, велат од ДУИ, се случила и во хидроцентралата „Шпилје“ во Дебар, каде биле реализирани осум нови вработувања, но без вклучување на граѓани Албанци.

ДУИ ваквите потези ги оценува како „координиран и намерен модел на институционална дискриминација“ што, според нив, претставува директен удар врз уставните принципи на правична застапеност и еднаквост при вработување.

„Особено загрижува тишината и соучесништвото на остатокот од ВЛЕН во Владата, кои немо набљудуваат како се спроведуваат моноетнички вработувања, без да обезбедат вработувања за заедницата која тврдат дека ја претставуваат“, наведуваат од партијата.

ДУИ испраќа итен повик до раководството на ЕСМ и надлежните институции да излезат со јавно објаснување и да преземат мерки за исправување на, како што велат, оваа неправда.

„Практиките на вработување во јавниот сектор не смеат да станат средство за етничко фаворизирање и партиски клиентелизам. Еднаквоста при вработување не е привилегија, туку основно демократско право. Молкот пред ваквите неправди значи соучесништво во понижувањето“, порачуваат од ДУИ.