ДУИ остро го осуди нападот врз редакцијата на „Инфомакс“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ остро го осуди нападот врз редакцијата на „Инфомакс“

12 декември 2025

• од Станча Јаќимовски

Демократската унија за интеграција (ДУИ) ја изрази својата длабока загриженост и најостро го осуди насилниот инцидент што се случи во редакцијата на порталот „Инфомакс“, кога непознато лице упаднало во просториите за време на директно емитување.

Од партијата оценуваат дека ваквите постапки претставуваат сериозен напад врз демократските вредности и создаваат атмосфера на несигурност, која директно ја загрозува слободата на медиумите и правото на слободно информирање. Според ДУИ, секој чин на насилство или заплашување врз новинари и медиумски работници ја поткопува довербата во институциите и ги нарушува заедничките напори за градење отворено и одговорно општество.

ДУИ потенцира дека како политичка партија што се води од европските вредности и стандарди, безбедноста на новинарите и независноста на медиумите се темелни столбови на секоја функционална демократија. Секој обид за притисок, закана или физичко насилство врз медиумите е неприфатлив и мора да биде третиран со највисок приоритет од страна на надлежните институции.

Во таа насока, од ДУИ ги повикуваат компетентните органи да постапат брзо, ефикасно и непристрасно, со цел целосно расчистување на случајот и обезбедување сигурни и мирни услови за работа на медиумската заедница.

„Само преку заштита на слободата на изразување и гарантирање на демократскиот поредок, државата може да напредува кон европските стандарди кон кои тежнееме“, се наведува во реакцијата.

ДУИ нагласува дека останува цврсто посветена на зачувување на мирна, одговорна и европски ориентирана политичка и општествена средина.