ДУИ остро реагира на отпуштањата во Министерството за односи меѓу заедниците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ остро реагира на отпуштањата во Министерството за односи меѓу заедниците

25 декември 2025

• од Станча Јаќимовски

Демократската унија за интеграција (ДУИ) изрази силна огорченост и сериозна загриженост поради, како што наведуваат, политички неприфатливата одлука на министерот за односи меѓу заедниците, Иван Стоилковиќ, за отпуштање на седум вработени Албанци од ова Министерство.

Од ДУИ посочуваат дека Министерството за односи меѓу заедниците има клучна улога во спроведувањето на Охридскиот рамковен договор и во гарантирањето на меѓуетничката еднаквост, поради што ваквиот потег го оценуваат како директен удар врз принципите на еднаквост, соживот и правична застапеност.

Во партиското соопштение се наведува дека оправдувањето за отпуштањата, кое се темели на тврдења за „дисциплински мерки“, е неосновано и навредливо. Според ДУИ, вработените подолг период работеле без основни услови – без функционални канцеларии, соодветна техничка опрема и јасно дефинирани работни задачи, што, како што велат, ја прави секоја дисциплинска постапка административно апсурдна.

ДУИ тврди дека уште од формирањето на актуелната Влада и преземањето на ресорот од страна на Стоилковиќ, албанските вработени биле изложени на изолација, психолошки притисок и постојан страв од селективни отпуштања. Според партијата, последната одлука е само кулминација на, како што ја нарекуваат, континуирана и организирана дискриминаторска практика.

„Иронијата е што институцијата која треба да ја штити меѓуетничката еднаквост се претвора во пример за нејзино грубо кршење“, наведуваат од ДУИ, оценувајќи дека ваквиот пристап го нарушува духот и начелата на Охридскиот рамковен договор.

Партијата ја проширува одговорноста и кон владините партнери, особено ВМРО-ВЛЕН, посочувајќи дека нивното молчење за случајот претставува форма на политичка соодговорност.

ДУИ бара итен прекин на, како што велат, дискриминаторските практики во Министерството, безусловно враќање на отпуштените вработени, како и целосна институционална истрага и утврдување политичка одговорност.

„Ќе продолжиме решително да ги браниме достоинството, правата и меѓуетничката еднаквост и нема да молчиме пред обидите за враќање на етноцентрични политики“, порачуваат од Демократската унија за интеграција.