ДУИ: Отворена дискриминација кон Албанците во М-НАВ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Отворена дискриминација кон Албанците во М-НАВ – 14 Македонци и само 2 Албанци!

09 август 2025

• од Станча Јаќимовски

Демократската унија за интеграција (ДУИ) изрази длабоко незадоволство и осуда за, како што велат, дискриминаторските и селективни практики при последните вработувања во Агенцијата за воздушна навигација (М-НАВ). Според партијата, од вкупно 16 работни места објавени во двата последни конкурса, само две се пополнети со Албанци – едно од нив со синот на пратеничката на ВЛЕН, Мерита Колчи-Коџаџику.

ДУИ оценува дека овие податоци се уште еден доказ за „горката реалност“ на континуирана институционална дискриминација кон Албанците, која, според нив, продолжува со ист интензитет и по доаѓањето на новата влада.

Дополнително, партијата се повикува на извештаите од Синдикатот на контролорите на летање за политички притисоци и блокирање на синдикалниот надзор за време на интервјуата, што, како што велат, покажува дека процесите на вработување не се базирани на заслуги, туку се користат како алатка за партиски награди и непотизам. Сличен, според ДУИ, е и случајот со вработувањето на внукот на Зеќирија Ибрахими во Армијата, каде што тој бил единствениот Албанец примeн од вкупно 74 нововработени.

„Неприфатливо е во државна институција финансирана од даноците на граѓаните, Албанците да бидат третирани како граѓани од втор ред,“ се вели во соопштението. Партијата истакнува дека овој случај не е изолиран, туку дел од „синџир дискриминаторски одлуки“ што се случуваат во јавната и државната администрација, со што се оневозможува еднаквата застапеност на Албанците гарантирана со Уставот и Охридскиот рамковен договор.

ДУИ ја повикува Владата и раководството на М-НАВ веднаш да ги поништат оспорените постапки и да обезбедат транспарентност и правична застапеност во секој процес на вработување. „Немешaњето и молкот пред овие неправди ќе значи отворена соработка со дискриминацијата,“ предупредуваат од партијата.

„Ќе останеме цврсто определени да го браниме правото на секој граѓанин за еднаков пристап до институциите на државата и нема да дозволиме новата власт да ја врати земјата во времето кога Албанците беа невидливи во институциите,“ се наведува на крајот од реакцијата.