ДУИ: Ова не е истрага, туку институционален напад врз Албанците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Ова не е истрага, туку институционален напад врз Албанците

14 април 2025

• од Вардарски

Демократската унија за интеграција (ДУИ) остро реагираше на заедничката прес-конференција на министерот за внатрешни работи Панчо Тошковски и јавниот обвинител Љупчо Коцевски, нарекувајќи ја „најголема карикатура на заробената држава“.

Во соопштението од партијата се наведува дека наместо да се обезбеди вистинска правда за трагедијата во Кочани, јавноста стана сведок на класичен случај на трговија со влијание – обид за меѓусебна заштита помеѓу министерот, кој според нив е директно инволвиран, и обвинител чија функција зависи од политичката волја на премиерот.

ДУИ упати повик до професионалците во Министерството за внатрешни работи и во Јавното обвинителство да не дозволат да бидат дел од ова, како што го нарекоа, „политичко пазарење“, со кое се девалвира кредибилитетот на институциите и се легитимира неправдата.

„Вистинската правда не се гради со селективни истраги и со медиумски претстави“, се вели во соопштението. Одговорноста за трагедијата мора да се утврди точно, праведно и транспарентно, без политички игри и заштитени актери.

ДУИ исто така предупредува дека наместо правда, јавноста гледа едностран институционален напад врз Албанците во државата – нешто што, како што велат, е неприфатливо и опасно за соживотот и демократските вредности.

Партијата повторно ја истакнува потребата од вистинска правна држава, со независни и деполитизирани институции, каде што никој нема да биде над законот.