ДУИ предложи повисока минимална плата: 600 евра за средно образование, 800 евра за високо

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ предложи повисока минимална плата: 600 евра за средно образование, 800 евра за високо

19 ноември 2025

• од Станча Јаќимовски

ДУИ денеска побара значително зголемување на минималната плата, предлагајќи таа да изнесува 600 евра за работници со завршено средно образование, а 800 евра за оние со високо образование. Според партијата, актуелниот износ на минималецот е далеку под реалните потреби на граѓаните и под регионалниот просек.

На прес-конференција во Собранието, пратеникот Блерим Беџети истакна дека синдикатите со право укажуваат на ниската минимална плата и дека во буџетот за 2026 година нема предвидени средства за суштинско зголемување на примањата. Тој нагласи дека ова, според ДУИ, претставува „структурна неправда“ и „огромна економска грешка“.

„Не може власта да очекува продуктивна економија со работници кои живеат на раб на сиромаштијата“, изјави Беџети. Тој додаде дека минималната плата мора да се усогласи со реалните трошоци на живот, особено во услови кога 390 евра – колку што изнесува сегашниот минималец – се недоволни за достоинствен живот.

„390 евра, почитувани, не се доволни за живот. Тие се доволни само за преживување. Затоа минималната плата мора да биде 600 евра за лицата со средно образование, а 800 евра за лицата со високо образование,“ порача тој.

ДУИ и пратеничката група на Европскиот фронт очекуваат владата да реагира и да ги разгледа нивните предлози, потенцирајќи дека обезбедувањето повисоки примања е неопходно за подобрување на животниот стандард и економската продуктивност во државата.