ДУИ: Преспанскиот договор – Државничка храброст што ја закотви С. Македонија на вистинската страна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Преспанскиот договор – Државничка храброст што ја закотви С. Македонија на вистинската страна

17 јуни 2025

• од Станча Јаќимовски

Демократската Унија за Интеграција (ДУИ) во новото соопштение потсетува на значењето на Преспанскиот договор, оценувајќи го како историски момент на визија и државничка храброст, кој ја смени траекторијата на Република Северна Македонија и ја вкорени на страната на евроатлантските вредности.

„Пред седум години, Преспа не само што го отвори патот за членство во НАТО, туку ја постави нашата држава како пример за решавање на комплексни спорови преку дипломатија. Тоа ја претвори Северна Македонија во симбол на дијалог и стабилност на Балканот“, се вели во соопштението.

ДУИ предупредува дека денес, седум години по тој историски момент, сведочиме на сериозна девалвација на достигнатото. Според партијата, власта која треба да биде гарант на евроатлантската ориентација на државата, се претвора во извор на внатрешна закана.

Партијата укажува на појави што, според нив, се спротивни на стратешките определби на земјата: промовирање руски наративи од владини функционери, гласање против Украина, политичко приближување со контроверзни фигури како Милорад Додик, како и систематска ерозија на Охридскиот рамковен договор.

„Европската перспектива е замрзната, граѓаните се демотивирани, илјадници ја напуштаат државата, а нашите соседи одат напред во евроинтеграциите“, се нагласува во соопштението.

ДУИ апелира до сите политички и општествени фактори да не дозволат овие тешко стекнати придобивки да бидат избришани. „Преспа и Охридскиот договор не беа само компромиси – беа избор за иднината“, стои во пораката.

Во фокусот на критиките се најдоа и политичките структури произлезени од коалицијата ВРЕДИ, за кои ДУИ тврди дека ги предале темелните вредности на албанската заедница – европеизација, рамноправност и демократска зрелост.

„Наместо да бидат глас на прогресот, тие станаа алатка за легитимирање политики што ја уриваат проевропската ориентација на државата. Тие се привремени играчи во служба на антиевропски агенди“, заклучува ДУИ.

Партијата повикува на обединет фронт во одбрана на европската иднина и зачувување на стратешките интереси на државата. Во време на нови предизвици, пораката е јасна – повторно мораме да избереме страна.