ДУИ: Решението не се политички обвинувања, туку ветинг и владеење на правото

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Решението не се политички обвинувања, туку ветинг и владеење на правото

19 септември 2025

• од Станча Јаќимовски

Демократската унија за интеграција (ДУИ) реагираше со соопштение на најновите критики од страна на премиерот Христијан Мицкоски, оценувајќи ги како „популистички, опасни и неосновани напади“ кон партијата и нејзините претставници.

Обвинувања за одвлекување на вниманието

Од ДУИ наведуваат дека наместо да се соочи со, како што велат, „нереализираните ветувања и скандалите кои ја оптоваруваат актуелната власт на ВМРО-ДПМНЕ“, премиерот се обидува да го одвлекува вниманието на јавноста со празни и неосновани обвинувања против нив.

„ДУИ била и останува главна сила која обезбедила политичка стабилност, членство во НАТО, почеток на преговорите со ЕУ и стратешко партнерство со САД. Наместо почитување на овие достигнувања, Мицкоски продолжува со реторика на поделби и обиди за криминализирање на Албанците и нивните политички претставници“, стои во реакцијата.

Повик за ветинг наместо пропаганда

Партијата нагласува дека одговорноста за правда не може да се мери преку политички говори, туку со системски процес на ветинг. Тие потсетуваат дека уште пред неколку години официјално побарале сите нивни функционери да бидат предмет на истрага од редовното и специјалното обвинителство, како и дека остануваат единствената партија која бара сеопфатен и непристрасен ветинг за судии, обвинители и сите јавни функционери, вклучително и политичарите.

ДУИ дополнително бара истрага за потеклото на имотот на политичарите од сите партии, за процесот на приватизација, како и за работата на службите за државна безбедност и нивните функционери од 1945 година па наваму.

„Ветингот е единствениот начин да се стави крај на овие дебати и да се обезбеди еднаквост пред законот“, нагласуваат од партијата.

Апел до премиерот

ДУИ му упати апел на премиерот да престане со „неосновани обвинувања“ и да се посвети на реалните обврски пред граѓаните: подобрување на економската состојба, борба против корупцијата и обезбедување владеење на правото за сите подеднакво.

„Ниту една пропаганда и ниту едно празно обвинување не може да го сокрие фактот дека граѓаните денес живеат со повеќе несигурност, со помалку достоинство и со намалена надеж за иднината поради лошото управување“, порачаа од ДУИ.

Европска и евроатлантска ориентација

Во завршницата од соопштението, ДУИ истакнува дека ќе остане цврсто определена во борбата против дискриминацијата, заштитата на националните интереси, унапредувањето на владеењето на правото и континуираниот процес на интеграција во Европската унија и евроатлантските структури.