ДУИ: Северна Македонија под закана од „Српскиот свет“ и руско влијание

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Северна Македонија под закана од „Српскиот свет“ и руско влијание

24 јули 2025

• од Станча Јаќимовски

ДУИ соопшти дека претстојните локални избори не се само избор за локалната самоуправа, туку и вистински политички референдум за стратегиската насока на земјата и нејзината определба кон европското семејство.

ДУИ истакнува дека денес, повеќе од кога било, е јасно дека битката за општините е битка за самата држава. Според нив, најновиот извештај на Европскиот парламент, усвоен со големо мнозинство од 461 европратеник од сите политички групации, јасно укажува дека Македонија сè повеќе се изложува на дестабилизирачко влијание од Србија и Русија, дел од т.н. геополитички проект „Српски свет“.

„Ова е сериозен аларм за сите граѓани што веруваат во евроатлантските вредности и во демократската иднина на државата. Не станува збор повеќе за партиска позиција или политичка реторика – ова е реалност потврдена од нашите европски партнери,“ се наведува во соопштението.

ДУИ алармира и за внатрешна политичка и институционална криза, при што, како што тврдат, во период на владеење без етнички легитимитет, земјата влегла во опасен циклус на институционален регрес и нарушување на меѓуетничките односи. Според нив, е нарушен принципот на фер застапеност, се враќа практиката на мајоризација, се негираат колективните права на Албанците и се продлабочува дискриминацијата во државните институции.

ДУИ бара итно отворање на институционална истрага и свикување на итна дебата во Собранието на Северна Македонија за, како што велат, да се анализира сериозно ризикот што го загрозува европскиот курс на државата.

„Како водечка проевропска политичка сила, ДУИ останува цврсто посветена на одбраната на демократијата, стабилноста и евроатлантската ориентација на државата. Овие локални избори се моментот кога не се одлучува само за улици и училишта, туку за самиот пат по кој ќе продолжи државата: кон Европа или кон една темна и опасна источна алтернатива,“ се наведува во соопштението.

ДУИ порачува дека секој глас на овие избори е глас за иднината и насоката на државата.