ДУИ со обвинувања за злоупотреба на буџетски средства во Општина Чаир

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ со обвинувања за злоупотреба на буџетски средства во Општина Чаир

16 јуни 2025

• од Станча Јаќимовски

Демократската унија за интеграција (ДУИ) изрази сериозна загриженост поради, како што велат, нов скандал во Општина Чаир, поврзан со незаконско трошење на јавни средства. Според партиското соопштение, илјадници евра од буџетот на општината биле префрлени на сметката на кафуле во сопственост на Калтрина Зеколи-Шаќири, актуелна заменик-министерка, без објавување јавен оглас и со прекршување на Законот за јавни набавки.

ДУИ тврди дека се работи за јасна злоупотреба на јавни пари и фаворизирање на бизниси блиски до функционери на Демократското движење, со што се потврдува тврдењето за постоење на организирана политичка мрежа која институциите ги користи за партиски интереси.

Во фокусот на обвинувањата е кафулето „1ш“, кое, според соопштението, се смета за неформално седиште на Иљми Меџити и Висар Ганиу. Ова кафуле, велат од ДУИ, добило над 30 илјади евра од буџетот на Општина Чаир, од кои само во 2025 година над 14 илјади евра. Сите средства, според тврдењата, биле доделени без јавна конкуренција и без транспарентна процедура.

Покрај сомнежите за финансиска злоупотреба, ДУИ укажува и на други нерегуларности во општината, вклучувајќи неконтролирана изградба, селективно одобрување на градби, како и злоупотреба на јавен имот – сѐ во корист на, како што велат, политичката мрежа на Висар Ганиу и коалицијата ВЛЕН.

Партијата во соопштението нагласува дека ќе продолжи да се залага за транспарентно и одговорно управување со јавните ресурси, со јасен став против корупцијата и политичкото заробување на институциите.