ДУИ со остра реакција: Српските пораки се мешање во идентитетот на Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ со остра реакција: Српските пораки се мешање во идентитетот на Македонија

09 септември 2025

• од Станча Јаќимовски

Демократската унија за интеграција (ДУИ) денеска најостро го осуди настанот во Битола, каде што за првпат во историјата на Северна Македонија, со државен протокол и во присуство на висока делегација од Србија, беше одбележано српското окупирање на Македонија и Косово под плаштот на таканаречениот „Солунски фронт“.

Во своето соопштение, партијата реагираше на изјавите на српската министерка за труд и социјална политика, Милица Ѓурѓевиќ Станковски, која во рамки на настанот порача дека „Македонците и Србите се едно стебло, еден корен и имаат заедничка иднина“. ДУИ ги оцени овие пораки како отворена историска провокација и флагрантно мешање во идентитетот и суверенитетот на Северна Македонија.

Опасност за меѓуетничките односи и регионалната стабилност

ДУИ предупреди дека ваквите ставови се неприфатливи и дека имаат за цел да го релативизираат историскиот контекст, со што се нарушуваат меѓуетничките односи и регионалната стабилност. Посебно беше осудено и присуството на високи претставници од Министерството за внатрешни работи, Министерството за одбрана, како и на заменик-претседателот на Владата Иван Стоилковиќ, на настан што според партијата директно го загрозува стратешкиот пат и мултиетничкиот карактер на државата.

„Српскиот свет“ нема место во Македонија

„Националистичките проекти на таканаречениот ‘српски свет’ немаат место во Северна Македонија. Иднината на државата е јасна и единствена – интеграцијата во Европската Унија, со почитување на Охридскиот договор, заштита на еднаквоста на граѓаните и јакнење на мултиетничката кохезија“, се наведува во реакцијата на ДУИ.