ДУИ: Срамно е игнорирањето на Албанците во изборот за гувернер на Народна банка

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Срамно е игнорирањето на Албанците во изборот за гувернер на Народна банка

15 мај 2025

• од Вардарски

Демократската унија за интеграција (ДУИ) денеска изрази длабока загриженост поради, како што велат, целосното игнорирање на Албанците во процесот за избор на нов гувернер на Народната банка на Република Северна Македонија.

Партијата предупредува дека ниту Владата, ниту претседателката, ниту пак раководните политички структури покажуваат најмала грижа за достојното претставување на Албанците во општествените текови на државата.

„На 21 мај треба да се гласа за нов гувернер на Народната банка, а никој не ја спомнува можноста таа функција да му се довери на Албанец. Однесувањето е како да се работи за исклучиво етничка позиција резервирана само за етнички Македонци“, стои во реакцијата на ДУИ.

Според партијата, ниту еден од четворицата кандидати кои се наоѓаат во потесниот избор не е Албанец, што, како што велат, воопшто не го одразува мултиетничкиот карактер на државата.

„Иако процесот се одвива според јасни уставни и законски процедури, политичките претставници на Албанците во парламентарното мнозинство мораа барем да се изборaт еден од врвните албански економски експерти – кои во оваа држава ги има во изобилство – да биде вклучен во потесниот избор“, порачуваат од ДУИ.

Партијата укажува дека денес се создава атмосфера во која „никој не смее ни да праша за такви позиции, а камоли да се избори Албанец да биде именуван на ваква висока функција“.

ДУИ директно го обвинува и премиерот, велејќи дека токму тој придонел за создавање на затворени етнички кругови околу себе – најпрво во својот кабинет, потоа меѓу соработниците со кои патува на официјални посети, а сега и преку процесот за избор на гувернер.

„Република Северна Македонија е држава на сите нејзини граѓани – без разлика на етничката припадност. Уставот обврзува на правична распределба и еднаква застапеност на сите етнички заедници во јавниот живот“, истакнува ДУИ.

Партијата упатува и директен повик до претседателката да покаже посветеност кон уставниот дух и мултиетничкиот карактер на државата, наместо, како што велат, да ги следи директивите на Владата.

„Го повикуваме претседателот/претседателката во рамки на своите надлежности да покаже поголема посветеност кон Уставот, кој гарантира мултиетничност, отколку кон барањата на Владата“, завршува сооштението на ДУИ.