06 мај 2025
• од Вардарски
Опозициската партија Демократска унија за интеграција (ДУИ) остро реагираше на последната изјава на претседателката Гордана Сиљановска Давкова, обвинувајќи ја дека со својот настап го поткопува мултиетничкиот карактер на државата.
„Претседателката Сиљановска Давкова застана на страна на Владата во поткопувањето на мултиетничкиот карактер на државата,“ соопшти ДУИ, посочувајќи дека во момент кога етничката рамнотежа во Македонија е под сериозна закана, таа отворено зазела политичка страна, занемарувајќи ги механизмите за заштита од етничка мајоризација.
ДУИ реагира на конкретната изјава на Сиљановска Давкова, во која таа изјавила дека „не е важно колку пратеници Албанци ќе го напуштат парламентарното мнозинство, сѐ додека Владата има 61 пратеник – нема потреба од предвремени избори“. Според партијата, ваквата порака јасно покажува дека етничкиот баланс и чувствителноста на коалициските партнерства не се на листата на нејзините политички приоритети.
„Сиљановска многу лесно ја напушти клучната улога која претседателот треба да ја има – да биде фер арбитар кој ги обединува сите граѓани, без оглед на нивната етничка или политичка припадност. Наместо тоа, таа избра да биде дел од партиската поларизација и да стане гласноговорничка на едноетничката доминација,“ истакнуваат од ДУИ. Партијата предупредува дека овој пристап потсетува на „темните времиња кога мајоризацијата, прикриена зад мерит-системи и почитување на закони, беше средство за системско потиснување на Албанците“.
Ненадминливи Понуди Дневно
4.8 (10276 рецензии)
Заштедете 152.00 ден

