ДУИ: Вештачко намалување на бројот на Албанци – резултат на еднострана одлука во 2024

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Вештачко намалување на бројот на Албанци – резултат на еднострана одлука во 2024

30 јули 2025

• од Станча Јаќимовски

Демократската унија за интеграција (ДУИ) уште еднаш јавно ја искажува својата длабока загриженост и револт за, како што велат, „намерното и неоправдано молчење“ на Владата по повод, според нив, антиуставната и противзаконска одлука со која се дискриминираат општините со мнозинско албанско население и се исклучува дијаспората од официјалната пресметка на населението.

ДУИ потсетува дека изминатите денови беше обелоденето значително намалување на бројот на општински советници во повеќе од 20 општини, како резултат на тоа што дел од населението во странство – пред сè албанската дијаспора – е избришано од пресметките. „Владата сè уште нема понудено ниту објаснување, ниту извинување, ниту навестување за корекција. Ова молчење е јасен доказ дека се работи за институционална дискриминација, спроведена со знаење и одобрение на самата Влада“, стои во соопштението.

ДУИ истакнува дека ваквата одлука е донесена уште во септември 2024 година, со еднострана постапка, со што – како што велат – „неправедно е исклучена дијаспората, а притоа вештачки е намален процентот на Албанците од 29,5% на 24,3%“.

„Овие измислени бројки не ја отсликуваат реалноста. Тие служат како алатка за да се наруши застапеноста на Албанците во локалните институции, за да се направат помалку видливи, помалку значајни и помалку застапени“, наведува партијата.

ДУИ потсетува и дека Уставниот суд веќе утврдил дека ваквата одлука е противуставна, но, сепак, Владата продолжува да молчи. Истовремено, од партијата обвинуваат дека и албанските претставници во Владата, „тие што тврдат дека ги застапуваат интересите на Албанците, молчат со ревност, со мир и со покорност“.

„Ајде да зборуваме отворено: овие миленици на премиерот не се таму за да ги заштитат Албанците, туку за да ја нормализираат навредата, да ја ублажат неправдата, да го замолчат гласот на албанското мнозинство во јавниот дискурс и да ги олеснат следните дискриминаторски политики“, истакнуваат од ДУИ.

Партијата порачува: ова нема да помине.

ДУИ најавува дека нема да молчи и нема да дозволи каков било обид за казнување на општините со мнозинско албанско население и за бришење на дијаспората од институционалните карти на државата. Во таа насока, велат дека веќе се преземени конкретни чекори.

„БДИ останува цврсто определена, со сите правни, институционални и демократски механизми, да ја спречи оваа дискриминаторска пракса и да обезбеди правична застапеност за секој граѓанин, без исклучок, без разлика каде живее“, завршува соопштението.