ДУИ: Влезот на српската Алта банка е обид на Белград за стратешка контрола врз Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Влезот на српската Алта банка е обид на Белград за стратешка контрола врз Македонија

11 август 2025

• од Станча Јаќимовски

Демократската унија за интеграција (ДУИ) остро реагира на најавениот влез на српската „Алта банка“ на македонскиот пазар, оценувајќи дека станува збор за внимателно планирана политичка и економска операција на Белград за обезбедување стратегиска контрола врз клучните институции во државата.

Од партијата предупредуваат дека навлегувањето на „Алта банка“ следи по присуството на српскиот „Телеком“ и претставува нов чекор во, како што велат, забрзаното ширење на концептот „српски свет“ во Северна Македонија.

Според нив, управувањето со банката во земјата ќе го преземе поранешната членка на Извршниот комитет на ВМРО-ДПМНЕ и екс-вицегувернерка Маја Кадиевска-Војновиќ, која, тврдат од ДУИ, била назначена по директно лобирање на лидерот на ВМРО-ДПМНЕ, Христијан Мицкоски, кај српскиот претседател Александар Вучиќ.

ДУИ дополнително посочува дека именувањето на новиот гувернер на Народната банка, Трајко Славевски, било мотивирано од неговото ветување дека ќе ги отстрани пречките за влез на „Алта банка“ на домашниот пазар, и покрај предупредувањата за можни негативни ефекти врз финансискиот углед на земјата пред европските институции.

Во соопштението, партијата ги поврзува овие активности со поширока стратегија на приближување кон Белград и источниот блок, наведувајќи примери како посетите на личности со проруски ставови, промовирањето на Коридорот 10 пред Коридорот 8, вклучувањето на српски верски претставници во државни настани и донациите од Србија.

„Со влезот во банкарскиот сектор, ‘српскиот свет’ ќе може да финансира бизниси блиски до власта, вовлекувајќи ги во корупциски шеми и правејќи ги зависни од интересите на Белград“, велат од ДУИ, обвинувајќи дека институциите задолжени за заштита на националната безбедност молчат или активно учествуваат во процесот.

Партијата остро критикува дека Агенцијата за разузнавање и Агенцијата за национална безбедност се политички контролирани, а претседателката на државата, наместо да го штити државниот интерес, ја минимизира или прикрива опасноста.

ДУИ нагласува дека Северна Македонија не смее да дозволи стратешките сектори да бидат ставени под контрола на „српскиот свет“ и бара зачувување на финансискиот интегритет и евроатлантската ориентација на државата.

Во меѓувреме, медиумите објавија дека „Алта банка“ е во процес на преземање на Стопанска банка АД Битола. Според порталот „Пари“, Управниот одбор на банката добил официјално известување за понуда од „Алта груп“ по цена од 3.777 денари за акција, што за вкупните 390.977 акции изнесува околу 24 милиони евра.