ДУИ: Во Министерството за одбрана вработени 71 Македонец, само еден Албанец

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Во Министерството за одбрана вработени 71 Македонец, само еден Албанец

05 август 2025

• од Станча Јаќимовски

ДУИ остро реагира на најновиот случај на вработување во Армијата и Министерството за одбрана на Република Северна Македонија, каде, според соопштението на партијата, од вкупно 74 нововработени лица, дури 71 се Македонци, 2 се од ромската заедница, и само еден е Албанец, без ниту еден претставник од останатите немнозински заедници.

ДУИ ова го нарекува не само неправда, туку и „систематски план за исклучување на Албанците и на другите немнозински заедници од клучните државни институции, особено од секторот за безбедност“.

„Ова е сериозно кршење на Уставот и на уставната вредност за правична и соодветна застапеност, која е гарантирана со правниот поредок на државата“, стои во соопштението на партијата.

ДУИ потсетува дека оваа состојба следи по деградирањето на единствениот албански генерал кој, според партијата, ги исполнувал сите услови за да го води Генералштабот на Армијата. „Исклучувањето продолжува на официјален и институционален начин“, додаваат оттаму.

Партијата оценува дека станува збор за „директен напад врз духот на Охридскиот договор, уставниот поредок и мултиетничкиот карактер на државата“.

ДУИ поставува неколку суштински прашања:

Каде е правичната и соодветна застапеност?
Каде е еднаквоста гарантирана со закон и Устав?
Зошто Албанците систематски се држат надвор од клучните државни институции?

ДУИ порачува дека нема да молчи пред, како што велат, неправдите и понижувањата врз Албанците. Партијата бара:

Итна истрага за овој скандалозен конкурс за вработување;
Преземање одговорност од надлежните функционери во Министерството за одбрана;
Безусловна примена на правичната и соодветна застапеност во сите државни институции, вклучително и во безбедносните структури.

„Државата не може да се гради врз исклучување. Државата не може да функционира без сите заедници. Ова е реалноста што мора да се прифати – во спротивно, последиците ќе ги почувствува самата кохезија на државата“, завршува соопштението на ДУИ.