ДУИ: Вооружениот напад врз нашиот кандидат е сериозна закана за демократијата и безбедноста во државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Вооружениот напад врз нашиот кандидат е сериозна закана за демократијата и безбедноста во државата

08 октомври 2025

• од Станча Јаќимовски

ДУИ изрази длабока загриженост и осуда по вооружениот напад врз нивниот кандидат и носител на советничката листа во Општина Липково, д-р Зеќирија Шахини, кој беше застрелан од маскирано лице и ранет. За среќа, неговиот живот е надвор од опасност.

Адеми: Атентат сред изборна кампања е аларм за демократијата

Потпретседателот на ДУИ, Арбер Адеми, денеска изјави дека атентат во тек на изборна кампања претставува сериозен аларм за демократијата, јавниот ред и безбедноста во државата.
„Ова не е обичен инцидент, туку тежок, намерен и морбиден чин чија цел е да создаде несигурност, страв и тензии“, нагласи тој.

ДУИ остро го осуди нападот, нарекувајќи го „варварски и криминален акт“, и побара итна, сериозна и транспарентна реакција од надлежните институции, особено од Министерството за внатрешни работи и Јавното обвинителство.

Повик за транспарентност и брза акција

„Прикривањето на вистината, одвлекувањето на вниманието или релативизирањето на настанот се неприфатливи и опасни“, порача Адеми, додавајќи дека првичните докази и снимки укажуваат на директен напад со јасна намера за ликвидација.

Според него, случајот мора да се третира како атентат, а институциите треба да дејствуваат без одложување и без политички калкулации.
ДУИ бара идентификација и апсење на сторителот и сите вмешани лица, како и навремено информирање на јавноста.

„Безбедноста на граѓаните е државно, не партиско прашање“

„Овој случај не смее да остане без епилог, а истиот мора да се заснова на факти. Секое институционално одолговлекување би било сериозна неодговорност и директен ризик за безбедноста во државата“, изјави Адеми.

Тој предупреди дека толерирањето на насилството може да има сериозни последици по јавната безбедност, изборниот процес и угледот на институциите, и упати апел до Владата, МВР и Обвинителството веднаш и одговорно да постапат.

Решителност за законитост и политичко достоинство

ДУИ порача дека ќе остане решителна на патот на законитоста, зрелоста и политичкото достоинство, нагласувајќи дека ваквите напади се удар врз демократијата и правната држава.