Дурмиши: Порастот на цената на јајцата е последица на светските берзи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Дурмиши: Порастот на цената на јајцата е последица на светските берзи

17 декември 2025

• од Станча Јаќимовски

Енормното зголемување на цената на јајцата е директно поврзано со растот на цените на пченката и сојата на светските берзи, изјави министерот за економија Бесир Дурмиши. Според него, станува збор за суровини чија цена се формира на меѓународните пазари, врз кои државата нема директно влијание.

Министерот посочи дека поскапувањето на овие примарни прехранбени производи неминовно се одразува врз трошоците за производство на јајцата, бидејќи пченката и сојата се клучни компоненти во сточната храна. „Кога сме кај прашањето за јајцата, тоа е тесно поврзано со цената на сојата и пченката, кои се берзански производи и не можеме да влијаеме врз нивната цена“, изјави Дурмиши.

Тој ја обвини претходната влада дека не презела соодветни мерки за поддршка на локалните производители, што, според него, дополнително ја влошило состојбата во секторот. Во таа насока, Дурмиши информираше дека Министерството за земјоделство веќе започнало кампања за стимулирање на домашното производство на пченка и соја, со цел намалување на зависноста од увоз и зголемување на стабилноста на локалниот пазар.

Дополнително, министерот најави дека од 1 јануари ќе започне спроведувањето на Законот за финансиска поддршка за инвеститорите, кој е во надлежност на Министерството за економија и труд. Со овој закон се предвидува финансиска поддршка за локалните производители кои планираат да ги зголемат своите производствени капацитети, како и за оние што ќе инвестираат во современа технологија.

Според Дурмиши, овие мерки ќе придонесат за зголемување на бројот на работни места, но и за раст на количината на локално производство, што на среден рок би можело да влијае и врз стабилизирање на цените на основните прехранбени производи, вклучително и јајцата.