Двајца браќа обвинети за убиство и обид за убиство на подмолен начин во Арачиново

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Двајца браќа обвинети за убиство и обид за убиство на подмолен начин во Арачиново

28 април 2025

• од Вардарски

По спроведена истражна постапка, Основното јавно обвинителство Скопје денеска поднесе Обвинителен акт против две лица, браќа на возраст од 23 и 31 година, кои се товарат дека како соизвршители сториле кривично дело – Убиство според член 123 став 2 точка 1 од Кривичниот законик, како и кривично дело – Убиство во обид согласно член 19.

Истражната постапка обезбедила докази кои потврдуваат дека на 1 ноември 2024 година, во скопското село Арачиново, двајцата обвинети со умисла и на подмолен начин лишиле од живот едно лице и се обиделе да лишат од живот уште едно. Според обвинувањето, браќата се договориле да се сретнат со оштетените – татко и син – за наводен долг од 7.000 евра. На договорената локација пристигнале со автомобил, но по краток разговор, едниот од обвинетите извадил огнено оружје – пиштол – и започнал да пука кон жртвите. Од добиените огнострелни повреди, таткото починал на лице место, додека синот преживеал, но со тешки телесни повреди.

Јавниот обвинител поднесе и предлог до Основниот кривичен суд Скопје за продолжување на претходно определената мерка притвор за двајцата обвинети, истакнувајќи дека и понатаму постојат законските основи за применување на најстрогата мерка за обезбедување на нивното присуство во текот на постапката.