Двајца крадци за два и пол месеци украле 58 акумулатори од железничката сигнализација во Битола

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Двајца крадци за два и пол месеци украле 58 акумулатори од железничката сигнализација во Битола

09 август 2025

• од Станча Јаќимовски

Јавен обвинител од Основното јавно обвинителство – Битола поведе истражна постапка против двајца жители на Ресен, осомничени за продолжено кривично дело тешка кражба според член 236 став 4 од Кривичниот законик.

Според обвинителството, во период од околу два и пол месеци – од февруари до крајот на април годинава – осомничените во повеќе наврати насилно влегувале во објекти од цврста градба на железничката делница од пругата „Поранешно Фринко“ до селото Кремница. Објектите служеле за команда на светлосна и звучна сигнализација за железничкиот сообраќај и биле во сопственост на Јавното претпријатие за железничка инфраструктура „Железници на Македонија – Скопје“.

Кршејќи ги решетките од долниот дел на вратите на вкупно осум вакви објекти, двајцата демонтирале и украле 58 акумулатори со различна јачина, со што ја загрозиле безбедноста на железничкиот сообраќај.

По кражбите, украдените акумулатори биле продавани како отпадно железо.

Поради постоење на опасност од влијание врз сведоците во постапката и можност за повторување на делото, јавниот обвинител до судијата на претходна постапка поднесе предлог за определување мерка притвор за двајцата осомничени.