Две години условна казна за градоначалникот на Струга

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Две години условна казна за градоначалникот на Струга – судот го осуди Рамис Мерко

14 октомври 2025

• од Станча Јаќимовски

Градоначалникот на Струга, Рамис Мерко, доби двегодишна условна казна поради незаконско именување директор во основното училиште „Зини Хани“ во Велешта. Покрај тоа, му е изречена и парична казна од 2.500 евра во врска со случајот со училиштето „Браќа Миладиновци“ во Струга.

Согласно пресудата, доколку Мерко во наредните две години изврши ново кривично дело, ќе мора да ја одлежи едногодишната затворска казна. Истата санкција ја доби и Егзона Шеи, која била поставена за в.д. директорка без да ги исполнува потребните законски услови.

Поставување без потребните квалификации

Според наодите на судот, Шеи не поседувала потврда за познавање англиски јазик, стручен испит за директор, ниту петгодишно наставничко искуство, што е задолжителен услов за оваа функција.

И покрај тоа, градоначалникот ја поставил на позицијата, по што против него беше поднесено обвинение за несовесно вршење службена должност.

Судијата Јордан Јованов во образложението на пресудата посочи дека не постојат докази за фалсификувана исправа, но дека е утврдено користење документ со невистинита содржина.

Нови обвиненија и најавена жалба

Обвинителот Џемал Лога најави жалба на пресудата, посочувајќи дека е нелогично за исто дело да се изречат и условна, и парична казна.

Ова, сепак, не е единствениот случај поврзан со струшкиот градоначалник. Мерко претходно беше казнет со 10.000 евра за незаконски именувања на директори во училиштата во Лабуништа, Радолишта и Подгорци, додека во предметот за луксузното возило „Ауди“ беше ослободен од вина.

Во тек е и постапка за незаконско поставување спомен-плоча на влезот на општинската зграда, а следниот месец треба да започне нов процес поврзан со договор за осветлување на дел од речното корито на Црн Дрим.