Еден месец по расистичките скандирања во Куманово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Еден месец по расистичките скандирања во Куманово – сè уште нема обвинение

29 август 2025

• од Гоце Кически

Речиси еден месец по расистичките и антиалбански скандирања во спортската сала во Куманово, за време на кошаркарскиот натпревар меѓу македонската и романската репрезентација, полицијата сè уште нема поднесено соодветен извештај до Обвинителството за сторителите. Од Министерството за внатрешни работи за Алсат објаснуваат дека СВР Куманово, во координација со Основното обвинителство во Куманово, презема активности за расветлување на случајот.

„СВР Куманово досега ги презеде следните мерки и активности со цел расветлување на случајот: извршен е службен разговор со две лица за кои постои сомнеж дека се инволвирани во настанот; извршен е претрес во домот на едно лице; едно лице е лишено од слобода,“ соопшти МВР.

Неофицијално, бил спроведен информативен разговор и со неформалните лидери на навивачката група „Кумани“, кои се сомничат дека го воделе „хорот“ со навредливи скандирања. Во меѓувреме, е уапсен и 30-годишен кумановец со иницијали С.М., кој се сомничи дека на паузата од натпреварот на 2 август се обидел да внесе транспарент со навредлива содржина.

Иронично, инцидентот со расистичките скандирања се случи пред највисоките државни претставници – премиерот Христијан Мицкоски, вицепремиерот Иван Стоилковиќ, министерот за внатрешни работи Панче Тошковски и градоначалникот на Куманово, Максим Димитриевски. Случајот беше осуден од речиси сите политички актери во земјата, како и од Светската кошаркарска федерација, со барање сторителите да бидат изведени пред лицето на правдата.

Само три дена по кошаркарскиот натпревар, вниманието се префрли на фудбалскиот дуел меѓу Шкендија и Карабах, кога одредена група навивачи скандираа „Илирида“, што предизвика остри критики од македонските партии.

Набргу пред почетокот на натпреварот, полицијата приведе 38-годишен германски државјанин со потекло од Тетово, кој кај Скопската зоолошка градина истакнал црвено-црн знаме со мапа на „Голема Албанија“ и натпис „Автохтони“. Судот експресно го осуди за поттикнување меѓуетничка омраза, изрекувајќи му условна казна затвор од две години. Лицето беше депортирано од државата и му беше изречена забрана за влез во период од пет години.

Додека случајот од Куманово сè уште не е затворен, оваа недела е регистриран уште еден инцидент со говор на омраза во Кавадарци, по завршувањето на натпреварот меѓу Пелистер и Скопје. Навивачката група „Чкембари“ скандирала навреди кон Албанците со зборовите: „Нека знаат клетите Албанци дека македонското име нема да исчезне.“

Од МВР соопштија дека работат на расчистување и на овој случај. Иако говорот на омраза според Кривичниот законик се казнува со парична и дури со затворска казна, во пракса во Македонија со години преовладува неказнивоста.