Еден од повредените во пожарот во Кочани излезе од болница во Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Еден од повредените во пожарот во Кочани излезе од болница во Бугарија

20 април 2025

• од Вардарски

Еден од повредените во трагичниот пожар што се случи во ноќниот клуб „Пулс“ во Кочани, беше испишан од Универзитетската болница „Свети Георги“ во Пловдив, Бугарија, пред една недела. Се работи за едно од лицата кои беа итно префрлени на лекување во Бугарија со воен авион „Спартан“ и шест амбулантни возила на итната медицинска помош, откако по трагедијата следеше бран на солидарност од соседната држава.

Според информациите на бугарскиот медиум TrafficNews, другите двајца пациенти што сè уште се лекуваат во Пловдив се во стабилна состојба, но остануваат во болница под надзор и за понатамошни медицински интервенции. Дел од хоспитализираните лица низ болниците во Македонија се веќе пуштени на домашно лекување, во добра здравствена состојба.

Истовремено, денес во Кочани се одржа трет по ред протест, организиран од родителите и блиските на загинатите во пожарот, под мотото „Закаснета реакција“. Тие бараат правда и одговорност, изразувајќи револт што, според нив, институциите не реагирале навреме и соодветно. „Ако институциите си ја завршеа работата, трагедијата ќе можеше да се избегне“, изјавија демонстрантите за медиумите.

Пожарот избувна за време на концерт во преполниот клуб „Пулс“, кога, според првичните информации, биле употребени пиротехнички средства. Сведоци раскажуваат дека во објектот имало само еден влез и излез, што ја направило евакуацијата исклучително тешка. Во клубот се наоѓале над 500 луѓе во моментот на пожарот, при што животот го загубија 62 лица, а 155 беа повредени.

Истражната постапка досега опфатила 59 лица и три компании. Протестот денес заврши пред зградата на Основното обвинителство во Кочани, каде родителите повторно побараа целосна истрага и казни за одговорните.