Единаесет месеци затвор за родителот што нападна двајца младинци на ФК „Брегалница“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Единаесет месеци затвор за родителот што нападна двајца младинци на ФК „Брегалница“

27 октомври 2025

• од Станча Јаќимовски

Родителот кој физички нападна двајца петнаесетгодишни фудбалери на „Брегалница“ за време на младински натпревар против „Шкупи“ е осуден на 11 месеци затвор. Одлуката ја донесе кривичниот совет на Основниот суд во Штип, со судијата Невена Перица како претседател. Осудениот е Авни Абгулиј од Скопје, а пресудата сè уште не е правосилна и следи период за жалба до Апелациониот суд во Штип.

Инцидент на теренот „Бело брдо“

Настанот се случил на 24 август годинава на игралиштето „Бело брдо“ во Штип, за време на натпревар меѓу младинските екипи на „Брегалница“ и „Шкупи“. Во 89-тата минута судијата му покажал втор жолт картон и го исклучил од игра синот на обвинетиот, што предизвикало незадоволство и агресивно однесување.

Според обвинението, исклучениот играч прв започнал физички напад врз противнички играч, а потоа неговиот татко влегол на теренот и со тупаници и клоци нападнал двајца фудбалери на „Брегалница“. Нападнатите деца, родени во 2010 година, добиле телесни повреди – повеќе набиеници и скршеница на нос без дислокација. Публиката интервенирала и спречила понатамошна ескалација.

Реакција на Обвинителството

Основното јавно обвинителство во Штип веднаш поведе итна постапка против 43-годишниот родител за кривично дело насилство, согласно член 386 став 4 од Кривичниот законик. Според Обвинителството, со своите дејствија обвинетиот ја загрозил сигурноста на малолетните играчи и предизвикал чувство на страв и несигурност кај присутните и јавноста.

Дисциплински мерки од ФФМ

По инцидентот, Дисциплинската комисија на Фудбалската федерација на Македонија (ФФМ) изрече повеќе санкции. На играчот со број 9 од „Шкупи“, чии родител е осуден, му е изречена најстрогата мерка – исклучување од фудбалската организација. Дополнително, двајца негови соиграчи добија забрана за настап од три месеци. Од редовите на „Брегалница“, еден 15-годишен играч беше казнет со забрана за настап на четири натпревари поради груба игра и самозаштита при инцидентот.

ФФМ поведе постапка и против двата клуба – „Шкупи“ заради нападот на родител врз противнички играчи, а „Брегалница“ поради слабата организација на натпреварот и пропустите во обезбедувањето.