Еколошка бомба во Крива Паланка: Рудникот Тораница загадил животната средина и ќе плати глоба од 200.000 евра!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Еколошка бомба во Крива Паланка: Рудникот Тораница загадил животната средина и ќе плати глоба од 200.000 евра!

28 март 2025

• од Гоце Кически

По извршениот вонреден инспекциски надзор на ден 24.03.2025 година, од страна на Државниот инспекторат за животна средина, утврдено е дека Рудник Тораница, филијала на компанијата БУЛМАК 2016 ДООЕЛ Пробиштип, извршил прекршок од трета категорија согласно Законот за животна средина. Прекршокот се однесува на пуштање на неутврдени технолошки води во околината, кои содржат механички онечистувања. Оваа ситуација беше предизвикана од дефект на цевката што го доведуваше водата до флотацискиот погонот.

Според информациите добиени од БУЛМАК, на 14.03.2025 година, во периодот од 06:30 до 07:00 часот, дошло до инцидент поради пукањето на цевката преку која се доведувала технолошката вода од таложникот за јамски води. Водата која се истекувала не содржи хемиски супстанции, бидејќи била истечена пред да стигне во флотациониот погон, но е заматена и содржи механички нечистотии.

Представниците на компанијата информираа дека дефектот е веднаш саниран и дека истекувањето на водата е сопредено, што е потврдено со потпишување на записник од страна на инспекциските органи. По овој записник, БУЛМАК се согласи на поведување на постапка за спогодување пред Комисијата за спогодување при Министерството за животна средина и просторно планирање.

Министерот за животна средина, Изет Меџити, се огласи со остри критики за оваа ситуација, нагласувајќи дека нема толеранција за загадувачите на животната средина. Тој посочи дека инспекциските контроли ќе продолжат со засилено темпо и дека Министерството за животна средина ќе инсистира на целосна транспарентност и одговорност.

„Законот мора да се почитува. Секој што ќе ја загрози животната средина ќе се соочи со санкции, без исклучок. Инспекциските контроли ќе продолжат со засилено темпо, а Министерството ќе инсистира на целосна транспарентност и одговорност. Ова е само еден од многуте чекори што ги преземаме за да обезбедиме чиста и безбедна околина за сите граѓани,“ изјави министерот Меџити.

Предвидената глоба за правните субјекти од овој тип, согласно Законот за животна средина, може да изнесува од 180.000 до 200.000 евра во денарска противвредност, додека за одговорните лица казната може да биде до 10.000 евра.

Како резултат на инцидентот, градоначалникот на Крива Паланка најави прес-конференција за 12 часот денеска, каде што ќе бидат објавени дополнителни детали за текот на случката и мерките што ќе бидат преземени.

Министерството за животна средина и просторно планирање останува посветено на заштита на природните ресурси и на подобрување на механизмите за следење и контрола на индустриските активности кои влијаат на животната средина.