Експертите скептични за растот на БДП: Потфрлање во капиталните инвестиции и ограничен капацитет на администрацијата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Експертите скептични за растот на БДП: Потфрлање во капиталните инвестиции и ограничен капацитет на администрацијата

29 октомври 2025

• од Станча Јаќимовски

Проектираниот економски раст од 3,8 проценти во наредната година, предвиден со новиот предлог-буџет, е оценет како тешко остварлив од страна на економските експерти. Иако буџетот, со вкупна вредност од 6,73 милијарди евра, се претставува како инструмент за стабилност и заштита на животниот стандард, економистите предупредуваат дека недоволната реализација на капиталните инвестиции останува најголемиот предизвик.

Потреба од посилен административен и инвестициски капацитет

Универзитетскиот професор Зоран Ивановски смета дека проектираниот раст е достижен само доколку државната администрација го искористи својот целосен потенцијал и се фокусира на инвестиции кои ќе создадат реален економски ефект.

„Јас не сум преголем оптимист дека ќе успееме да ја реализираме, иако таа стапка реално е остварлива доколку биде ставен во функција полниот капацитет на администрацијата и се задржи фокусот на капиталните проекти,“ вели Ивановски.

Тој додава дека слабата кондиција на градежниот сектор и ограничените можности на јавната администрација значат дека реализацијата на капиталните инвестиции и натаму ќе биде скромна, што традиционално го ограничува економскиот раст.

Буџет на стабилност, но и простор за критики

Според професорот Синиша Наумоски, предлог-буџетот може да се опише како „буџет на стабилност, континуитет и реалност“, кој создава основа за посилен инвестициски циклус во 2027 година и зголемување на довербата кај меѓународните партнери.

„Има простор за критики, но овој буџет создава основа за поволен инвестициски амбиент во иднина,“ вели Наумоски.

Тој, сепак, признава дека и понатаму постои потфрлање во реализацијата на капиталните проекти, кои за наредната година се намалени за околу 650 милиони евра. Овој тренд, вели Наумоски, се повторува со години и ја намалува ефективноста на буџетската политика.

Фискални показатели и проекции

Предлог-буџетот предвидува дефицит од 3,5 проценти од БДП, односно 637 милиони евра, додека вкупните капитални инвестиции се проектирани на 650 милиони евра. За покривање на долгот, државата планира ново задолжување од 1,7 милијарди евра, од кои 950 милиони евра преку еврообврзница.

Проекциите на Владата предвидуваат раст на БДП од 3,8% и инфлација од 2,5%, но експертите предупредуваат дека без реформи, подобрување на администрацијата и поттикнување на приватните инвестиции, овие бројки ќе останат само на хартија.