Ескалација во Добровница: Полиција приведе сопственик на крави поради закани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ескалација во Добровница: Полиција приведе сопственик на крави поради закани

03 декември 2025

• од Станча Јаќимовски

Во селото Добровница, близу Крива Паланка, денеска се случи драматична интервенција на полицијата, откако повеќегодишен спор околу испуштени крави кулминираше со апсење, отпор и болничко лекување.

Сопственикот на спорните крави беше приведен откако, според полицијата, му се заканувал по живот на неколку мештани кои се жалеле на штетата што неговиот добиток ја прави во нивите и дворовите. Напнатата ситуација на теренот лесно можела да премине во поголем конфликт, а моментите од апсењето беа снимени и веќе кружат на социјалните мрежи.

„Не го уапсија за кравите – туку за инает“

Јулијана Ѓоргиевска, ќерка на приведениот и ко-сопственичка на кравите, изјави за медиумите дека акцијата немала врска со наводната грижа за добитокот.

„Го уапсија татко ми, а сестра ми заврши во болница. Кравите пак се пуштени. Значи, целата акција била само за него, а не за животните. Буквално ништо не направи за да биде приведен“, вели таа, додавајќи дека нивното семејство се чувствува неправедно таргетирано.

Таа изрази и грижа за третманот на животните, тврдејќи дека некои жители, наместо да пријават проблем до надлежните, врзувале и изгладнувале крави во свои штали.

Мештаните – гневни: „Кравите нè пустошат!“

Сосема поинаква слика даваат жителите на Добровница. Тие велат дека со години се борат со истото семејство, чии крави – без надзор – пасат по приватни имоти, уништуваат култури и прават штета, додека сопствениците, според нив, не преземаат ништо.

„Тие чуваат многу крави, а немаат ниту штала, ниту пасиште. Само ги пуштаат по нашите ниви и дворови. Ни е доста!“, велат огорчено селаните.

Според нив, проблемот е хроничен и нерешен од страна на институциите, а денешниот настан само е последица на годините наталожен бес.

Снимка го разгори гневот на социјалните мрежи

На социјалните мрежи кружи видео од моментот на апсењето, на кое се гледа како полицијата го приведува сопственикот, додека неговите ќерки се обидуваат да го одбранат. Според семејството, не постоел никаков отпор или провокација, а сепак, според нивните зборови, била употребена сила.

„Јасно се гледа – луѓе се апсат без причина. Ова е злоупотреба, кршење на човекови права“, напиша Јулијана Ѓоргиевска во своја онлајн објава.

Полицијата: Приведување поради закани по живот

Од надлежните се потврдува дека приведениот се сомничи за закани по живот упатени кон неколку соседи, а не поради самото присуство на кравите. Отворена е истрага, а случајот добива сè поголемо внимание.

Во меѓувреме, кравите – причината за целата драма – повторно слободно шетаат низ Добровница.