ЕСМ доделил тендер од над 2 милиони евра на фирма под истрага за криминал од 3 милиони евра?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕСМ доделил тендер од над 2 милиони евра на фирма под истрага за криминал од 3 милиони евра?

29 јули 2025

• од Станча Јаќимовски

Скандалите во државната компанија АД ЕСМ не запираат. Последниот во низата тендерски афери повторно го става во центарот на вниманието директорот Лазо Узунчев, кој ја води фирмата од позиција што веќе е под сериозен јавен и институционален сомнеж. Според партијата Левица, ЕСМ склучил договор вреден над 2 милиони евра со битолската фирма „Руд Коп“, иако против неа веќе се води истрага за криминал поврзан со претходен тендер за ископ во РЕК Битола.

Според известување од февруари годинава од страна на Финансиската полиција, поранешниот директор на РЕК Битола, Пеце Матевски, заедно со соработници од комбинатот и со помош на лица од Бирото за јавни набавки, успеале да наместат тендер во корист на „Руд Коп“. Со ова, фирмата наводно остварила противправна корист од речиси 3 милиони евра, а државниот буџет бил директно оштетен. По спроведената истрага, поднесени се кривични пријави против седум лица. Дел од имотот на фирмата е веќе замрзнат од страна на битолскиот суд.

Сепак, само два месеци подоцна, актуелниот директор на ЕСМ – Узунчев, склучува нов договор со истата компанија, повторно за ископ, и тоа во милионски износ. Овој потег отвора сериозни прашања за транспарентноста и критериумите во доделување на државните тендери.

Од Левица јавно прашуваат: „Како е возможно фирма против која се води активна истрага за криминал поврзан токму со ископ во РЕК Битола, повторно да добие тендер за иста активност? Зошто 'Руд Коп' сè уште нема негативна референца од Бирото за јавни набавки?“

Во партиското соопштение се поставува и прашањето дали директорот Узунчев е дел од поширока мрежа на коруптивни односи со компании што се поврзуваат со политички кругови блиски до СДСМ. Според нив, тој не може вечно да се повикува на катастрофалното наследство од претходното раководство, додека истовремено доделува тендери на фирми под истрага и со замрзнат имот.

Левица бара итна реакција од надлежните институции – Основното јавно обвинителство и Финансиската полиција – со цел да се утврди дали се вршат злоупотреби при јавните набавки и дали постои корупциска спрега во врвот на државната енергетска компанија. Особено загрижува фактот што АД ЕСМ во првите три месеци од годинава има пријавено загуба од енормни 45 милиони евра.

„Неспособноста и политичкото влијание врз економијата веќе се прескапи за граѓаните,“ предупредуваат од Левица.