ЕСМ со нов кредит и кривични пријави за штетен гасен договор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕСМ со нов кредит и кривични пријави за штетен гасен договор

03 јуни 2025

• од Станча Јаќимовски

Државната енергетска компанија „Електрани на Северна Македонија“ (ЕСМ) ќе подигне нов кредит од 30 милиони евра од домашна комерцијална банка за покривање на тековните трошоци и обезбедување ликвидност. Како што информираат од компанијата, каматната стапка ќе изнесува околу 3,5 отсто, а средствата ќе се користат за обврските на ЕСМ кон добавувачите.

„Се работи за една домашна банка, но некоректно би било да ја објавиме пред потпишување на договорот. Очекуваните услови се НРСХ плус 1,5 проценти, што е подобро од претходниот субвенциониран кредит“, изјави директорот на ЕСМ, Лазо Узунчев, на брифинг со новинарите.

Компанијата минатата година оствари загуба од 123 милиони евра, а актуелното раководство вината ја лоцира во претходната власт и управни структури, обвинувајќи ги за „системско уништување на производствените капацитети“.

И покрај тешката финансиска состојба, од ЕСМ уверуваат дека тоа нема да влијае врз цената на струјата за домаќинствата. Компанијата нема да понуди повисока цена од актуелната на новиот тендер на ЕВН за следните шест месеци – таа ќе остане 62 евра за мегават-час, иако трошокот за производство во првиот квартал бил 98 евра.

Во меѓувреме, ЕСМ поднесе кривични пријави против два поранешни управни одбора и функционери на минатата власт во врска со штетниот договор за закуп на гас од Александрополис. Компанијата досега платила над пет милиони евра за гас кој не може ниту да се внесе во Македонија, ниту да се продаде.

Од ЕСМ велат дека преземаат чекори за финансиска консолидација и одговорно управување, со цел да се стабилизира енергетскиот сектор и да се избегнат дополнителни удари врз буџетот и граѓаните.