ЕУ бара појаснување за изборот на Богојески: Скандалозен избор кој ги загрозува европските вредности

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕУ бара појаснување за изборот на Богојески: Скандалозен избор кој ги загрозува европските вредности

16 април 2025

• од Вардарски

Делегацијата на Европската Унија во Скопје побара појаснување од Министерството за образование и наука (МОН) во врска со назначувањето на Петар Богојески за директор на Националната агенција за европски образовни програми и мобилност – институција која ја спроведува програмата „Еразмус+“ и Европскиот корпус за солидарност.

Од ЕУ велат дека се свесни за контроверзните изјави на Богојески од минатото, но очекуваат дека во иднина ќе постапува во согласност со основните вредности на Европската Унија.

„Европската комисија ги зема предвид медиумските извештаи за назначувањето на Петар Богојески. Комисијата не беше вклучена во процесот на избор и номинација, ниту пак официјално беше информирана. Очекуваме директорот на една ваква клучна институција да ги поддржува темелните вредности на ЕУ – почитување на човековото достоинство, човековите права, слободата, демократијата, еднаквоста и владеењето на правото“, изјавија од Делегацијата на ЕУ за Portalb.mk.

Реакции од граѓанскиот сектор

Мрежата за заштита од дискриминација повика на итно повлекување на одлуката за назначување на Богојески, укажувајќи на неговите јавни настапи исполнети со навредлив и говор на омраза, кои се во спротивност со европските вредности и антидискриминаторските принципи.

Кој е Петар Богојески?

Богојески е лидер на партијата „Македонски концепт“ и поранешен советник на премиерот Христијан Мицкоски. Јавноста го запозна во 2018 година како самопрогласен реформатор на ВМРО-ДПМНЕ, отворено критикувајќи го Мицкоски, кого тогаш го нарекуваше „предавник“ и „бандит“.

Познат е по својата реторика исполнета со говор на омраза, особено насочен кон етничките заедници, пред сè Албанците. Во своите јавни настапи и на социјалните мрежи, Богојески често го користи терминот „шиптар“, кој во македонскиот контекст се смета за навредлив и понижувачки. Освен кон Албанците, негова мета биле и припадници на бошњачката заедница, како што е примерот со активистката Мерсиха Смајловиќ, на која ѝ упатил навредливи коментари базирани на етничка основа.