ЕУ: Македонија мора да ги внесе Бугарите во Уставот за да продолжи кон членство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕУ: Македонија мора да ги внесе Бугарите во Уставот за да продолжи кон членство

04 ноември 2025

• од Станча Јаќимовски

С. Македонија сè уште не ги усвоила потребните уставни измени за вклучување на Бугарите во Уставот, што е една од главните обврски наведени во Заклучоците на Советот на Европската унија од јули 2022 година. Ова се наведува во најновиот редовен годишен извештај на Европската комисија за напредокот на земјите кандидати за членство во ЕУ.

Во извештајот, до кој имала увид Радио Слободна Европа, се посочува дека иако властите продолжиле да работат на клучните реформи, напредокот во спроведувањето на уставните измени е од суштинско значење за понатамошниот европски пат на земјата.

„Властите продолжија да работат на патоказите за владеење на правото, реформата на јавната администрација и функционирањето на демократските институции, како и на акцискиот план за заштита на малцинствата. Македонија треба да ги интензивира напорите за почитување на владеењето на правото, особено преку заштита на независноста и интегритетот на судството и засилување на борбата против корупцијата“, се наведува во нацрт-извештајот на Европската комисија.

Брисел постојано нагласува дека уставните измени, со кои Бугарите би се вклучиле како дел од народите наведени во Преамбулата, се услов за продолжување на преговорите со Европската унија. До нивното усвојување, Македонија останува во застој на патот кон отворање на следните преговарачки поглавја.