Европски пратеник: Во С. Македонија владее духот на Титова Југославија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Европски пратеник: Во С. Македонија владее духот на Титова Југославија

13 јуни 2025

• од Станча Јаќимовски

Европратеникот од ГЕРБ/ЕНП, д-р Андреј Ковачев, изјави дека Европскиот парламент е веќе информиран за судската пресуда против претседателот на културниот клуб „Иван Михајлов“ во Битола, Љупчо Георгиевски. Според Ковачев, ова судење е дел од „конзистентна политика на заплашување на луѓе со бугарска самосвест“ во Северна Македонија.

„Веднаш ги преведовме документите и ги информиравме известувачите во сенка. Делото против Георгиевски беше веќе познато, но тој ми соопшти дека има и второ обвинение – за расизам“, изјави Ковачев.

Тој додаде дека обвиненијата се базираат на историски цитати и комунистички документи од 1944 година, кои обвинителството ги користи како доказен материјал. „Се чувствуваме како повторно да живееме во Титова Југославија“, рече тој.

Ковачев потсети дека уште од 2010 година, во текстовите на Европскиот парламент за Северна Македонија постои јасно барање за недискриминација на граѓаните кои отворено ја изразуваат својата бугарска припадност.

„За жал, Скопје не ги почитува овие обврски и постапува брутално против Бугарите во земјата“, констатира Ковачев.

Според него, чекорите што ги преземаат властите во Скопје – особено лидерот на ВМРО-ДПМНЕ, Христијан Мицкоски – се насочени кон провоцирање на Бугарија и попречување на европскиот пат на државата.

„Мицкоски работи против европската интеграција на сопствената држава. Тој има поинаква стратегија и ја користи Бугарија како жртвено јагне за да им објасни на граѓаните зошто не се случува членството во ЕУ“, нагласи европратеникот.

Ковачев подвлече дека Бугарија не реагира на провокациите, но останува цврста во своето барање Северна Македонија да ги исполни преземените обврски од преговарачката рамка и заклучоците на Советот на ЕУ од 2022 година.

„Граѓаните на РСМ сакаат да бидат дел од ЕУ, но нивните лидери ги изневеруваат“, заклучи Ковачев.