ФЕНИ во целосен застој – изгасната печката, работниците без плати и иднина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ФЕНИ во целосен застој – изгасната печката, работниците без плати и иднина

29 ноември 2025

• од Станча Јаќимовски

Печката за производство на фероникел во поранешниот индустриски гигант ФЕНИ Индустри е целосно изгасната, што според работниците и експертите претставува силен сигнал дека фабриката останува во долготраен застој и неизвесност.

Вестите дека производствениот погон и натаму мирува предизвикаа загриженост кај локалната јавност, бизнис-заедницата и вработените од целата Тиквешка област, кои со месеци очекуваат рестарт на производството и стабилизација на компанијата.

„Инвеститорот нема намера да стартува со рестарт“

Според Вуко Мелов, претседател на општинската организација на СДСМ од Кавадарци, згаснувањето на печката говори за отсуство на реална стратегија за рестартирање на производствениот процес.

„Овој факт сериозно укажува дека новиот инвеститор нема намера да започне со рестарт на фабриката, имајќи го предвид потребниот временски период за реконструкција и подготовка за повторно пуштање на погонот во употреба“, изјави Мелов.

„Пропаднаа ветувањата на власта“

Мелов остро реагираше и на предизборните изјави на актуелната власт, посочувајќи дека сите најави за брзо решавање на проблемите во фабриката останале само зборови.

„Пропаднаа сите изјави и најави на ВМРО-ДПМНЕ за наводен рестарт на компанијата. Премиерот и градоначалникот уверуваа дека фабриката ќе профункционира, ќе бидат исплатени платите, ќе се намалат долговите и работниците ќе се вратат на своите работни места. Наместо тоа, денес имаме целосен индустриски молк и огромна штета за економскиот развој на регионот“, рече тој, повикувајќи се на изјавите на ВМРО-ДПМНЕ.

Работниците – оставени без егзистенција

Како најпогодени од ситуацијата, Мелов ги истакна работниците од целиот регион, кои, според неговите зборови, се оставени сами да се справуваат со последиците.

„Голем број од работниците останаа без работа, без приходи и без сигурна иднина. Една плата воопшто не е исплатена, а дел од вработените сè уште немаат примено ниту една од платите кои им се должат. Неисплатени останаа и доверителите, транспортерите и локалните фирми кои беа дел од синџирот на производство“, информираше Мелов.

Економски удар и за Кавадарци и за регионот

Отсуството на производство во ФЕНИ не значи само социјална криза, туку и економска дупка за градот Кавадарци, кој во изминатите години зависеше од работењето на фабриката – како директно, така и преку десетици поврзани дејности.

Со исклучена печка, неисплатени плати и неисплатени добавувачи, индустриската катастрофа во Тиквеш станува симбол на пропаднати очекувања и системска негрижа.