Фетаи: Со УДБА методи не можете да ме дискредитираат, да живее УЧК

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Фетаи: Со УДБА методи не можете да ме дискредитираат, да живее УЧК

07 декември 2025

• од Станча Јаќимовски

Заменик-премиерот Арбен Фетаи остро реагираше на, како што ги нарече, обидите за негово дискредитирање преку фабрикувани изјави и манипулирани фотографии. Во објава на социјалните мрежи тој порача дека нема да толерира напади кои се темелат на дезинформации и политички мотивирани конструкции.

„Тие што мислат дека можат да ме дискредитираат со вакви удбашкиметоди, длабоко се лажат,“ напиша Фетаи, додавајќи дека секој кој користи негови фотографии и измислува зборови во негова уста, со цел да го наруши неговиот углед, ќе сноси правни последици. Според него, ваквите постапки ги надминуваат сите прифатливи граници и нема да бидат оставени без реакција.

Фетаи истакна дека клеветите, монтираните материјали и фабрикуваните изјави не го поколебуваат, туку напротив — ја зацврстуваат неговата решителност и уверувања.

„Да живее УЧК“, порача тој, потенцирајќи дека е срамно што одредени кругови ја злоупотребуваат историјата, жртвите и крвта на паднатите борци за секојдневни политички игри. Тој додаде дека уште поголем срам е за тие што, како што вели, ја претвораат УЧК во средство за лични интереси и политичка моќ.

Објавата на Фетаи предизвика реакции на јавната сцена, особено поради неговиот остар тон и јасната порака дека нема да молчи пред, како што ги нарекува, организираните обиди за дискредитација.