ФИБА отвори истрага против МКФ поради инцидентот во Куманово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ФИБА отвори истрага против МКФ поради инцидентот во Куманово

07 август 2025

• од Станча Јаќимовски

Светската кошаркарска федерација (ФИБА) официјално отвори истрага против Македонската кошаркарска федерација (МКФ), откако за време на натпреварот меѓу Македонија и Романија, одигран во саботата во Куманово, беа забележани националистички скандирања од дел од публиката.

Од ФИБА соопштија дека веќе се прибираат сите релевантни информации и извештаи поврзани со инцидентот. Организацијата е во тесна комуникација со националните кошаркарски тела, локалните институции и органите за спроведување на законот со цел целосно расветлување на случајот.

Неприфатливото однесување на дел од гледачите беше остро осудено од страна на Македонската кошаркарска федерација, Министерството за спорт, како и од бројни политички претставници. Тие порачаа дека ваквите појави не смеат да се поврзуваат со спортот и повикаа на враќање на фер-плејот и спортскиот дух на трибините.

Министерството за внатрешни работи, пак, веќе започна постапка за идентификација на лицата кои се одговорни за инцидентот. Очекувањата се дека против сторителите ќе бидат изречени соодветни санкции во согласност со законот.

Овој инцидент фрла сенка врз спортскиот настан и уште еднаш го актуелизира прашањето за безбедноста и спортската култура на трибините. ФИБА ќе ја донесе својата одлука по завршување на истрагата.