Филипче ја нападна Владата: Какви лицемери, ги убедуваат луѓето дека можат да живеат со 400 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче ја нападна Владата: Какви лицемери, ги убедуваат луѓето дека можат да живеат со 400 евра

07 април 2025

• од Гоце Кически

Новоизбраниот претседател на СДСМ, Венко Филипче, со остри зборови ја нападна актуелната Влада на ВМРО-ДПМНЕ, ЗНАМ и ВЛЕН, обвинувајќи ја за неспособност, небрежност и тотално игнорирање на реалните проблеми на граѓаните.

На својата прва прес-конференција по убедливата победа на внатрепартиските избори, Филипче рече:

„Какви лицемери седат во Владата. Ги убедуваат работниците дека можат да живеат со 400 евра месечно. Тоа е навреда за достоинството на секој граѓанин.“

Филипче ја оцени десетмесечната работа на Владата како „најнеспособна досега“, посочувајќи дека нема ниту една област во која се гледа напредок.

„Во земјоделството субвенциите се намалени, во образованието се спроведуваат катастрофални политики, а здравствениот систем е на колена“, рече тој, додавајќи дека Владата не покажува ниту желба ниту капацитет да се справи со суштинските предизвици на граѓаните.

Новиот лидер на СДСМ најави дека партијата влегува во нова фаза на мобилизација и борба, и дека ќе биде „гласна, искрена и борбена алтернатива“ на актуелната власт.

„Ова не е моја лична победа. Ова е победа на сите членови на СДСМ кои веруваат во правичноста, еднаквоста и напредокот – вредности кои Владата целосно ги погази“, изјави Филипче, кој на изборите освои двојно повеќе гласови од претходниот пат.

Со силен мандат и поддршка од членството, Филипче порача дека СДСМ е подготвена да се врати на политичката сцена со полна сила и да ја врати, како што рече, „државата на вистинскиот пат – за доброто на Северна Македонија и сите нејзини граѓани“.