Филипче бара итно расчистување на нападот врз Арсовска и казнување на сторителите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче бара итно расчистување на нападот врз Арсовска и казнување на сторителите

12 јули 2025

• од Станча Јаќимовски

Претседателот на СДСМ, Венко Филипче, остро реагираше на нападот врз градоначалничката на Град Скопје, Данела Арсовска, кој се случил за време на нејзиниот увид на дивоградба во Чаир. Тој побара итна реакција од надлежните институции и казнување на сите сторители, истакнувајќи дека е неприфатливо службени лица да бидат мета на насилство додека извршуваат службени задачи.

Филипче ја критикуваше и постапката на припадниците на Министерството за внатрешни работи, посочувајќи дека тие не реагирале соодветно и не ги заштитиле градоначалничката и претставниците на Градот.

„Шест часа поминаа од бруталниот напад врз градоначалничката на Скопје, а од ВМРО-ДПМНЕ и Мицкоски сè уште нема ниту збор за осуда. Молкот понекогаш зборува погласно од зборовите. Ова не е само напад врз Арсовска, туку и прашање дали граѓаните можат без страв да се спротивстават на криминалот,“ напиша Филипче на својот профил на Фејсбук.

Тој предупреди дека власта испраќа опасна порака – дека секој што ќе се обиде да го разоткрие криминалот ќе се соочи со лична опасност. Според него, безбедносната состојба во државата драстично се влошила во изминатата година, а довербата во институциите е сериозно нарушена.

„Безбедноста на граѓаните, правдата и заштитата од институциите практично не постојат. Ова е алармантна ситуација што треба сериозно да нè загрижи сите“, заклучи Филипче.