Филипче: Четири земји напредуваат кон ЕУ, С. Македонија стои во место

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Четири земји напредуваат кон ЕУ, С. Македонија стои во место

22 јули 2026

• од Темелко Тошев

Претседателот на СДСМ, д-р Венко Филипче, на денешната седница на Националниот совет за евроинтеграции упати остри критики за застојот на евроинтегративниот процес на државата. Тој предупреди дека додека Европската Унија го забрзува проширувањето, Македонија останува единствената земја кандидат која не бележи никаков напредок.

Филипче во своето обраќање посочи дека регионот забрзано се движи напред, додека Македонија стагнира во најлош можен момент – токму кога Европската Унија јасно покажува дека проширувањето е еден од нејзините врвни приоритети.

„Секој ден гледаме како регионот оди напред. За жал, ние стоиме во место. Кога регионот оди напред, а ние не правиме ништо, тоа е и назадување. Ќе дојде временски период во кој веќе нема да може да се споредуваме со никого, затоа што едноставно луѓето овде нема да ја гледаат иднината“, рече Филипче пред присутните.

Тој отвори и сериозна политичка дилема за моменталната состојба со евроинтеграциите:

„Се поставува прашањето дали намерното запирање на европскиот пат не е форма на државен удар.“

Македонија единствена без отворено поглавје

Лидерот на опозицијата го истакна контрастот помеѓу нашата земја и останатите држави од регионот и Европа. Тој потсети дека дури четири земји кандидати за Европската Унија одржале меѓувладини конференции во само еден ден. Државите кои сигурно чекорат кон полноправно членство се:

Албанија
Црна Гора
Молдавија
Украина

„Очигледно е дека не одиме напред. Ние сме единствената земја која нема отворено поглавје за преговори, додека овие четири земји кандидати очигледно ќе бидат следните земји членки на Европската Унија“, нагласи Филипче.

Проширувањето е меѓу врвните приоритети на ЕУ

Според Филипче, институциите на Европската Унија преку конкретни политики и финансиски одлуки докажуваат дека политиката на проширување е високо на нивната агенда.