Филипче: Граѓаните се оставени сами на себе, срушен е митот за економската способност на ВМРО-ДПМНЕ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Граѓаните се оставени сами на себе, срушен е митот за економската способност на ВМРО-ДПМНЕ

12 септември 2025

• од Станча Јаќимовски

Претседателот на Социјалдемократскиот сојуз на Македонија, д-р Венко Филипче, денеска на прес-конференција остро ја критикуваше економската политика на Владата предводена од ВМРО-ДПМНЕ. Тој порача дека власта не само што не е способна да креира правилни економски политики, туку и отворено покажува дека нема намера да им помогне на граѓаните во услови на растечка инфлација.

„Владата ги остави граѓаните сами“

Филипче потсети дека премиерот вчера изјавил оти нема да се интервенира во цените на производите, вклучувајќи ги и основните прехранбени артикли. Според него, ова е потврда на долгогодишните предупредувања на СДСМ дека власта не сака да одговори на реалните потреби на граѓаните.

„Практично вчера власта им порача на граѓаните – оставени сте сами на себе,“ истакна Филипче.

Инфлацијата ги урива стандардите

Лидерот на СДСМ нагласи дека владата нема контакт со реалноста и дека инфлацијата целосно ги обезвредни платите, додека цените постојано растат.

„Премиерот тврдеше дека инфлацијата значително забавува, но тоа не е вистина. Македонија има една од највисоките инфлации во Европа. Додека просекот во ЕУ е 2,1%, кај нас во август достигна 4,4%. Само храната е поскапа за 6,7%, а зеленчукот и овошјето за 11%“, посочи тој.

Македонија без мерки, соседите со поддршка

Филипче истакна дека сите земји во регионот преземаат мерки за поддршка на населението, додека македонските граѓани остануваат без никаква заштита.

„Ова е единствена влада во регионот и во Европа која го релативизира растот на цените и не нуди апсолутно никакви мерки за помош. Албанија веќе најави минимална плата од 500 евра, Србија од 550 евра, а само кај нас граѓаните остануваат заглавени во сиромаштија,“ нагласи тој.

„Митот за економската способност е срушен“

Филипче додаде дека ниту пропагандата на лидерот на ВМРО-ДПМНЕ, Христијан Мицкоски, веќе не може да ги убеди граѓаните во приказните за економски раст.

„Граѓаните најдобро знаат како живеат. Секојдневно се борат да врзат крај со крај, а владата ги игнорира нивните реални проблеми. Митот за економската способност на ВМРО-ДПМНЕ е целосно срушен,“ заклучи претседателот на СДСМ.