06 ноември 2025
• од Станча Јаќимовски
Претседателот на Социјалдемократскиот сојуз на Македонија (СДСМ), д-р Венко Филипче, на денешната прес-конференција изјави дека Извештајот на Европската комисија за напредокот на Македонија претставува сериозен аларм за иднината и перспективата на државата. Тој нагласи дека станува збор за најлошиот извештај што земјата го добила во последните десет години.
„Објавувањето на Извештајот за напредок, кој оценува дека Македонија не направила никаков напредок на европскиот пат, ни испраќа јасна порака во која насока се движи државата во изминатата година и пол под власта на ВМРО-ДПМНЕ. Овој извештај е практично најлошиот што сме го добиле во последната деценија и сериозно го вклучува алармот за иднината и перспективата на државата,“ изјави д-р Филипче.
Лидерот на СДСМ истакна дека извештајот потврдува застој и регрес во процесот на европските интеграции и дека се потребни итни чекори за враќање на државата на европскиот пат.
„Она што го предупредувавме се случи — ВМРО-ДПМНЕ успеа за една година и пол да нè стави во истата група со Косово, Босна и Херцеговина, Молдавија и Украина — земји кои многу подоцна ја започнаа својата патека кон Европската унија,“ изјави претседателот на СДСМ, д-р Венко Филипче.
Исламски предавач: Срамота е муслиманка да се прегрнува со момче кое носи шајкача
Ненадминливи Понуди Дневно
4.8 (10276 рецензии)
Заштедете 152.00 ден

